ထိန်သိမ်ꩻသွော့ဝင်ꩻ
~~~~~~~~~~~~
ယိုခါတွင်ꩻနဝ်ꩻ ဇာတ်ကာꩻ၊TVဖုံႏထွားဒါႏလဲဥ်းကဲဥ်းအာအာနဝ်ꩻသွူ၊အဟုဲင်းသွတ်ꩻနဝ်ꩻနီမန်းခမ်းအကိုကအဝ်ႏဒါႏ
လိုꩻမူႏပေႏ၊ မူႏနံꩻပေႏဖုံႏနဝ်ꩻ အွꩻဒါႏလွဥ်လဲဥ်းသွူဒဝ်ထီသူႏရာႏ၊ ထွားနုဲင်းဒျာႏအနောက်နိုင်းငံႏသား၊ကိုးရားယားဇာတ်ကာꩻအကိုတွော့ တုနုဲင်းနုဲင်း၊ တွိုႏအဟဝ်ဖဲ့နဝ်ꩻတုနုဲင်းတဝ်း၊တဟဝ်တဝ်းဖဲ့ထွိုင်ႏတုနုဲင်းနဝ်ꩻ နီမန်းခမ်းသားလိုꩻမူႏအတွက်ꩻနဝ်ꩻသနန်းခရာႏတန်သွူ။ လိုꩻမူႏပေႏလွုမ်မွေးတဝ်းသွူ လိုꩻခိုပေႏလဲ့ပါကွေးနော😜

ခွေသွဥ်းကျောင်ꩻပေ့ꩻခိန်ႏ အီႏသဲင်ꩻခန်းရပ်၊ဒုံဆောင်ႏ၊ ကာꩻဂိတ်အကို အုံပွေါးခန်းကာꩻအတွင်ꩻ လိုꩻမူႏပေႏတစွိုꩻအုံလင်ꩻခန်းခွေအထျꩻခုံႏအလွစ်နဝ်ꩻသွူ။ ခွေဒေါ့ꩻ၊နာꩻဒေါ့ꩻ ဖြာꩻငဝ်ငဝ်၊ ဖြာꩻဖြေင်းဖြေင်း ဗွိုန်စွဥ်ႏဒျာႏဝါႏကီးရံꩻဖြိန်ꩻထာꩻနဝ်ꩻသွူ။ ပါꩻမူႏပေႏတဖြာႏအဒေါ့ꩻထန်းငဝ်းတငွါခွေထွိုင်ႏဟွိုန်ဗာႏနဝ်ꩻသꩻဝမွေးသွူ။  ဝွေꩻရိုꩻခန်းနုဲင်းယို
"မဟာခွေအွꩻဘီယာနဝ်ꩻလိုꩻခိုပေႏဖေႏဗာႏ
စွဥ်ႏအသွုမ်"နဝ်ꩻမိဥ်းတဲ့လိုꩻမူႏပေႏတောꩻနော၊ နုဲင်းဝေင်ꩻထဲင်းကနေးမုဲင်းဟောင်းသွူ။
"လိုꩻမူႏတွိုင်ꩻစွုမ်ႏဖြာꩻမွေးတဝ်းသွူ။"

ယိုနဝ်ꩻထွာဒျာႏခွေသွဥ်းနမ်းကျုံႏဗာႏအမွေးမꩻ တဲမ်းထန်းဗာႏသွူ။

ကထွာဒျာႏအမွိုးဖါ၊ ဖူးဝေး၊ ဆရာႏဖုံးလဲ့တလွိုက်ဖက်တဝ်းတွမ်ႏ နီယေန်ႏကေႏမုꩻ၊နီယိုယားခွုမ်လာ၊အဒေါ့ꩻအဖြဝ်ႏဖုံႏနဝ်ꩻဖေႏနေးဝွေꩻသီးကမာꩻတဝ်းနဝ်ꩻအဝ်ႏလိုႏဒေါ့ꩻကိုငါႏ၊ သွဥ်ကိုငါႏနဝ်ꩻသွူ။

ဒုံကိုကထွာဒါႏဖြာႏဒုံ၊ လိုꩻတန်၊ ခိုဗင်ႏခေါင်ꩻ၊ တာႏဝွန်ႏကအဝ်ႏသားဖုံႏနဝ်ꩻ အဝ်ႏလိုႏထေꩻစီꩻကံꩻလဲ့ထေꩻဗာႏသွူ။

"လိုꩻပေႏသီးအမျိုꩻယိုနဝ်ꩻ လိုꩻတန်မာꩻနေးမုဲင်ꩻမုဲင်ꩻတဲ့အမာꩻလွဥ်ꩻဒါႏ"

ကထွာဒျာႏနီပအိုဝ်ႏနင်ꩻမူႏဖုံႏ၊ အနုပညာႏသားဖုံႏလဲ့ နီနမ်းတွမ်ႏနီနမ်းဆင်ႏချင်ႏချာ၊ ထိန်သိမ်ꩻ၊ ကွဥ်ကꩻ၊ ဒေါ့ꩻဖြဝ်ႏချာမꩻ လိုꩻပေႏစလꩻဖုံႏဖေႏနေး ကတွိုႏဒျာႏထာꩻဟဝ်နဝ်ꩻ ကွပ်စွဥ်ႏသꩻရက်စွိုꩻခွိုꩻတွော့ ဆောင်ႏရွက်သင်ငါႏအကျောင်ꩻ............

လိတ်ယို အမာႏတရွိုꩻ၊ မိဥ်ႏတသွို့ꩻတဝ်း နီဗွေႏသီးသꩻနဝ်ꩻ သေနာႏဖေႏသွော့ဩ

ကေꩻဇူꩻတန်ငါႏသွူ။

#ခွန်ခမ်းခွꩻ(ဒုံကောင်ထို)
25-6-2019