"မိဥ်ႏမဲဥ်ချံꩻသာႏထာꩻလဲ့"

  - ဝုဲင်ႏဖိုနေႏဖရာꩻ စွုမ်ႏနီꩻနီꩻ
  - မွူးဟာတွမ်ႏမွူးရဝ်ꩻ ကပ်ဖိုနေႏဖရာꩻထီ
  - ဖရာꩻကဝ်ႏလဲ့အပတ်တွိုင်ꩻလူႏဖိုနေႏ

👆ဆꩻကီယိုအတွိုင်ꩻမိဥ်ႏမာꩻဒျာႏစွုမ်ႏနီꩻနီꩻနဝ်ꩻ
ဝင်ꩻဟဲ့စွယ်ꩻလဲဥ်းကုသိုလ်ႏသွူ။

တောင်ꩻခါꩻ --> လိုꩻလောကခမ်းအကိုလိုꩻယိုအဝ်ႏနီမျိုꩻ
(၁) လိုꩻစွယ်ꩻကုသိုလ်ႏသားတွမ်ႏ
(၂) လိုꩻစွယ်ꩻအကုသိုလ်ႏသားနဝ်ꩻသွူ။

 လိုꩻတဖြာꩻကစွယ်ꩻဒျာႏအကုသိုလ်ႏသားနဝ်ꩻ ဝွေꩻယိုတညတဝ်းအခိန်ႏအီႏဆင်ရယ်လွဥ်သွူ ထွာမုဲင်ꩻနဲးတဲ့ ထွားဗော့ꩻဝွေꩻကသွုံꩻစွယ်ꩻ ယာလမ် ဖိန်ꩻဖင်ꩻ၊ ဒဝ်ထီသူႏရာႏဖုံႏနဝ်ꩻ အုံအဝ်ႏခင်ႏလမ်းတဲ့တဗွိုန်ပီတဝ်းဝင်ꩻ အုံဒျာႏထာꩻဖွိုႏဖါႏကို ဖူးဝေးမွိုးဖါသီး အဝ်ႏထီႏဖိုဒျာႏမွေးတဝ်းနဲ့အဝ်ႏလုဲင်းစာလုဲင်း
အဝ်းခြံစာခြံ၊ အဝ်ႏတမုဲင်ꩻစာတမုဲင်ꩻ လိုꩻနဝ်ꩻစားနဝ်ꩻ တညတဝ်းအခိန်ႏဝွေꩻယို အီႏဆင်ရယ်လွဥ်သွူ ထာꩻဝွေꩻစွယ်ꩻလဲဥ်းထာꩻတဟဝ်တဝ်ဖဲ့က..

လိုꩻတဖြာꩻကမာꩻစွယ်ꩻဒျာႏကုသိုလ်ႏသားနဝ်ꩻ တနီꩻတစိꩻစိꩻဝွေꩻယိုသꩻချံꩻသာႏ၊ နမ်းချံꩻသာႏ လွဥ်နဝ်ꩻသွူ .."ယိုနဝ်ꩻထွာဒျာႏခွေသွဥ်း နမ်းကျုံႏလွဥ်ဖဝယိုခါတွင်ꩻနဝ်ꩻသွူ"...

စွုမ်ႏနီꩻစွုမ်ႏဟာကအဝ်ႏမာꩻသေႏသေႏဒျာႏ လုဲင်ႏဖရာꩻထီ၊ ကပ်ဖရာꩻကဝ်ႏ၊ ပသာမေတ္တာႏ၊ ဝုဲင်ႏဖရာꩻ စတဲင်ꩻဖုံႏနဝ်ꩻ၊ စွုမ်ႏမာꩻဗာႏတဝ်းလဲ့ ခွေဟန်ႏနီꩻယိုဗွိုန်စွဥ်ႏအဝ်ႏလိုႏထာꩻတမျိုꩻမျိုꩻနဲ့
အုံထာꩻလဲ့ꩻသူႏသေဒွုမ်.. ပေါ်မာꩻဗာႏတဝ်းကုသိုလ်ႏနဝ်ꩻသꩻကိုယိုစွူဒွုမ် ထွာတမုဲင်ꩻနဲးတွော့ꩻ နဝ်ꩻစားကားကအဝ်ႏနဝ်ꩻ ဝင်ꩻဟဲ့စွယ်ꩻလဲဥ်းကုသိုလ်ႏသွူ။.....

ပေါ်ထွာလဲဥ်းနဝ်ꩻစားနဝ်ꩻ နဝ်ꩻတဲ့သေႏချာႏလဲဥ်း တညတဝ်းဒွုမ်ဝွေꩻယိုချံꩻသာႏလွဥ်သွူ.. ဝွေꩻယိုစွယ်ꩻလဲဥ်းကုသိုလ်ႏက...ပေါ်စွယ်ꩻ
လဲဥ်း တဲ့ကုသိုလ်ႏယို စွုမ်ႏနီꩻစွုမ်ႏဟာ အခိန်ႏတွိုင်ꩻ မိဥ်မာꩻသႏသေႏစွဥ်ႏဒျာႏသွူ...

(ဥပမာႏ->ခိုဗင်ႏတဖြာꩻစွယ်ꩻခန်းမူႏနံꩻတဖြာꩻ..
ခိုဗင်ႏယိုဝွေꩻသꩻကိုနဝ်ႏ အဝ်ႏယူႏဗော့ꩻ မူꩻနံꩻနဝ်ꩻတဖြာꩻလွုမ် အခိန်ႏတွိုင်ꩻယူႏ၊ အခိန်ႏတွိုင်ꩻမိဥ်ခွဲး၊ အခိန်ႏတွိုင်ꩻမိဥ်ဒေါ့ꩻရီ၊ နုဲင်းယိုခါဖုန်းခေတ်ထဲင်းက မိဥ်ဆွတ်သေႏသေႏ တွမ်ႏဖုံး မိဥ်ပသာသေႏသေႏတွမ်ႏ SMS ၊ဗေင်ႏယူႏ၊ ထွိုင်ႏယူႏ၊ အံႏယူႏ၊ လွေꩻယူႏ၊ မာꩻထာꩻမုဲင်ꩻမုဲင်ꩻလဲ့ယူႏနဝ်ꩻသွူ
ထာꩻဝွေꩻစွယ်ꩻလဲဥ်းက..)

လိုꩻပုထုဇဥ်ႏဖုံႏယိုနဝ်ꩻ ထာꩻအမျိုꩻမုဲင်ꩻမုဲင်ꩻ ယဝ်းစွယ်ꩻဖိုဒျာႏမွေးတဝ်းနဲ့ ပေါ်စွယ်ꩻသွူနဝ်ꩻမိဥ်လꩻ
မိဥ်ဒေါ့ꩻရီ၊ မိဥ်ခွဲးမွေးတဝ်းနဲ့..

ဆွိုက်ချာယင်းငဝ်းနဝ်ꩻဟွဥ်ႏ ကုသိုလ်ႏယိုစွယ်ꩻ လဲဥ်းစွုမ်ႏနီꩻစွုမ်ႏဟာနဝ်ꩻ မိဥ်မာꩻသေႏသေႏစွဥ်ႏ သွူ။ ယိုနဝ်ꩻနီဗွေႏဖရာꩻဟဲ့ "အာစိဏ္ဏ" ကုသိုလ်ႏ ကံႏနဝ်ꩻသွူ။

(ဥပမာႏ-->နꩻယိုမူညည၊ဆင်ႏဆင်ႏဝွေႏမူ၊ မူစွုမ်ႏအာလဲ့ꩻ နꩻယိုထင်ႏမွေးတဝ်းနဲ့၊  ဥပမာႏနယ်ႏယင်းတဗာႏ-->
နီစုခန်းရွဥ်တနီꩻတစွဲး တစွဲးမွိုင်၊ ရွဥ်တစွဲးဗီႏယိုနဝ်ꩻတန်ႏဖိုအဲဥ်ထဝ်းရိုꩻကီလဲ့မွူးနီꩻထွိုင်ႏအာ၊ လာပေါင်ꩻထွိုင်ႏညဆွာꩻနဝ်ꩻ နီကစု သေဒျာႏရွဥ်ယို အဝ်ႏစွဥ်ႏ အသောင်ႏတန်ꩻ၊အသိန်ႏတန်ꩻမွေးတဝ်းနဲ့၊ ထာꩻဟဝ်မုꩻကုသိုလ်ႏ လဲ့နေးနဝ်ꩻနေနေ အခိန်ႏမဲဥ်ႏမဲဥ်ႏ တနီꩻတစိꩻစိꩻ မိဥ်ႏမာꩻသေႏသေႏဒျာႏနဝ်ꩻ မွူးနီꩻထွိုင်ႏအာ၊ လာပေါင်ꩻထွိုင်ႏညဆွာꩻလဲ့ နီဖဝယိုထင်ႏထိုလွဥ် ချံꩻသာႏလွဥ်နဝ်ꩻသွူ၊။ ထာꩻမာꩻလဲ့ကျိုꩻစာꩻမာꩻ၊ ဖရာꩻထီအွꩻလဲ့ကပ်၊ ဖရာꩻလဲ့ဝုဲင်ႏ၊ မေတ္တာႏလဲ့ပသာ၊ အမျလဲ့ဝွေႏ စတဲင်ꩻအခေႏခံႏကုသိုလ်ႏထာꩻမာꩻယိုလဲ့နီဗꩻတွိုႏစွဥ်ႏကစွယ်ꩻနဝ်ꩻကျိုꩻစာꩻမာꩻသွော့နော ...တညတဝ်းအခိန်ႏ မဲ့ꩻချံꩻသာႏလွဥ်ဒျာႏသွူ.....

အမာႏမိဥ်ႏပါလဲ့ခွင်ꩻလွစ်သွော့ဩ

#ခွန်ခမ်းခွꩻ(ဒုံကောင်ထို)
29-6-2019