“အွဥ်ႏမေတ္တာႏနဝ်ꩻအဟဝ်သွတ်ꩻ”
- ဖိုးပနားသီတွော့ꩻ ဟန်ႏအိုတနျာႏ(ပိ)တဲ့ ဖြေꩻအံႏဒျာႏဝင်ꩻဖုံႏ
- ဆျာထွိုင်ႏသီတွော့ꩻ ဆျာယာႏတဲ့အံႏဒျာႏဝင်ꩻနဝ်ꩻဟွေး
- ထော့ꩻထွိုင်ႏသီတွော့ꩻ ထော့ꩻယာႏတဲ့ ဖြေꩻအံႏဒျာႏဝင်ꩻနဝ်ꩻလဲင်ꩻလွမ်းလမ်းဒွုမ်
- လိုꩻထွိုင်ႏသီတွော့ꩻ မုဲင်းသာႏ(အသုဘ)တဲ့ သော့ꩻသွူတရာꩻငဲꩻတွိုက်တွော့ꩻ ငွိုးဒျာႏဝင်ꩻဖုံႏ
လိုꩻသီနဝ်ꩻတဟဝ်တဝ်း မာꩻလွိုလိုꩻထာꩻမာꩻ လမ်းကိုသျုပ်ငါႏ ပသာလွေꩻလွေꩻသင်ႏချိုင်ꩻ မုဲင်းသာႏ(အသုဘ)အဝ်ႏနဝ်ꩻတဟဝ်တဝ်း...
လိုꩻသီအဝ်ႏလမ်းကိုတွင်ꩻတွော့ꩻ တွယ်ႏသွူလိတ် ဖစ်လဝ်းဟွုန်၊ ကသေငါꩻငါꩻဖူးဝေးဗော့ꩻညာꩻ နဝ်ꩻဖစ်လဝ်းလို့...မိဥ်ႏထွူမွိုင်မွိုင်သꩻလိန်းခွꩻ.. အမိဥ်ႏနွမ်ꩻစိန်မဲ့ဝင်ꩻလွဥ်တဝ်း...
မဲ့မော့ꩻအယပ်အခုဲင်ႏ..အဝ်ႏလိုႏပသာႏ
မွိုင်မွိုင်တဲ့ပသာခန်း...
- လိုꩻယဟန်ႏကရိုꩻဒျာႏတန်ႏဖိုꩻကအဝ်ႏနဝ်ꩻ အဝ်ႏမုဲင်ꩻကို...ခွေဒါႏပညာႏခွိုန်းမုဲင်ꩻ ၊ ခွေရွဥ် ခွေခံꩻအဝ်ႏခွိုန်းမုဲင်ꩻ ၊ ခွေအာႏဏာႏအဝ်ႏခွိုန်းမုဲင်ꩻ ၊ ခွေလမ်း၊ ခွေခြံ ၊ ခွေထာꩻမာꩻ ၊ ခွေယိုခွန် ၊ ခွေယိုမင်ꩻ ၊ ကရိုꩻဒါႏလိုꩻဖုံႏနဝ်ꩻ အဆုဲင်ꩻသွတ်ꩻ သွုံꩻလꩻမုဲင်ꩻကို ...
ယိုခါနဝ်ꩻတွမ်ႏရိုꩻမွုန်းအီႏထူႏ လွေꩻ ကအဝ်ႏကုဲင်သားနဝ်ꩻရိုꩻထဲင်းနုဲင်းယို လမ်းကိုသျုပ်၊ ထာꩻမာꩻသျုပ်၊ ကျက်သရေႏတအဲဥ်ထဝ်းတဲ့ ပေါဝင်ꩻရိုꩻလဲဥ်းမုဲင်းသာႏ(အသုဘ)နဝ်ꩻတန်ႏဖိုꩻအဝ်ႏကဲး တမုဲင်ꩻ...
- အဆုဲင်ꩻသွတ်ꩻနဝ်ꩻ နုဲင်းခေတ်ယိုခါဝေင်ꩻကိုနဝ်ꩻ အွဥ်ႏအုတ်ဂူသမ်းတလꩻတဝ်း ...ပေါ်လိုꩻသီ
သွူနဝ်ꩻဝင်ꩻလဲ့ꩻနေးမေႏကဲဥ်းအာအာနဝ်ꩻ
သွူ။ ပေါ်ဝင်ꩻလဲ့ꩻလဲဥ်းမေႏတဲ့ အဝ်ႏထီႏဗာႏဗော့ꩻမေႏ လူးလွုမ်သွူ။ မေႏလူးထွိုင်ႏယေဥ်၊ ထွိုင်ႏထိုꩻမားတွော့ꩻ အဆုဲင်ꩻသွတ်ꩻနဝ်ꩻ အဝ်ႏကုဲင်ဖါႏလွုမ်မွေးတဝ်းနဲ့
- တန်ႏဖိုꩻကအဝ်ႏဒျာႏလိုꩻ၊ တန်ႏဖိုꩻတအဝ်ႏတဝ်း လိုꩻဖုံႏယို အဆုဲင်ꩻသွတ်ꩻ ထွာဗော့ꩻဖါႏပြုံႏလွုမ်
မွေးတဝ်းနဲ့...
အဆုဲင်ꩻသွတ်ꩻယို သီဗာႏနုဲင်းနုဲင်းဝင်ꩻမွော့ လွူးတေားဒျာႏ မာန၊ ဒေါသ၊ မောဟ၊ လောဘ၊ သꩻတကုဲင်ဖုံႏဟောင်း၊ ကားလားကလွူးသꩻနဝ်ꩻ စားနဝ်ꩻ လိုꩻအလောင်းတရိုꩻတဝ်း၊ သတ္တဝါႏ အလောင်းတရိုꩻတဝ်း အွဥ်ႏမေတ္တာႏနဝ်ꩻအဟဝ်သွတ်ꩻသွူ။
အမာႏမိဥ်ႏပါတဲ့ခွင်ꩻလွစ်သွော့
ကေꩻဇူꩻတန်ငါႏသွူဩ
ခွန်ခမ်းခွꩻ(ဒုံကောင်ထို)
၂၈-၇-၂၀၁၉
No comments:
Post a Comment