“ဖေႏကထွာဗာႏမွုန်းနုဲင်းယို”

နုဲင်းယိုခါꩻတွင်ꩻနဝ်ꩻဖုံးခေတ်၊အိင်တာနက်ခေတ်၊ ဖုံႏလဲ့ကသမ်းခေတ်စားလွဥ်။ လိုꩻတွိုႏစွုမ်ႏဖြာꩻဖြာꩻ ခွုမ်ဒါႏသွုံꩻဒါႏလွဥ်လဲဥ်းဖုံးနဝ်ꩻသွူ။

ဖုံးသီးအမျိုꩻယိုနဝ်ꩻနီသွုံꩻမိဥ်ႏဒါႏဒျာႏလဲ့ နီနမ်းတာႏ ယိုအကျိုꩻအဝ်ႏအာမွေးနဝ်ꩻသွူ။ သွုံꩻမိဥ်ႏတဒါႏတဝ်း လဲ့နီဖဝကုဲင်ထိုꩻအီဒါႏနဝ်ꩻသွူ။
နုဲင်းယိုခါꩻတွင်ꩻစွုမ်ႏရပ်ရပ်၊ စွုမ်ႏဒုံဒုံလဲ့ဖုံးလိုင်းယို ကဲဥ်းအာအာဗာႏဒျာႏနဝ်ꩻသွူ။ လိုင်းစွုမ်ႏဗာႏလဲ့ ခွေမိဥ်သွုံꩻ နာꩻမိဥ်သွုံꩻ ဖြေꩻလို့ဒျာႏဝင်ꩻဖုံႏ
မွေးတဝ်းနဲ့...

နုဲင်းခွေသွဥ်းကဟွိုန်ဖို အဝ်ႏထီႏဖိုဖုံႏနဝ်ꩻ ခွေသွဥ်း
မိဥ်ခြဲင်းနယ်ငါႏဝတ္ထုတပွုဒ်နဝ်ꩻသွူ....

ဝတ္ထုကိုကပါဒါႏ လိုꩻယဟန်ႏနဝ်ꩻ
၁ ။ မောင်ကျော်ရဲ
၂ ။ နင်ႏကဝ်ႏ
၃ ။ ဖြားသောင်ႏ + မွိုးပဲင်ꩻ
၄ ။ ပွယ်ꩻစာꩻခွန်ကျောႏ + နင်ႏသန်းနု
၅ ။ ဗွေႏစင်ꩻပညိန္ဒ
၆ ။ နင်ႏကလျာမိုး
၇ ။ နင်ႏငဲပေႏ
၈ ။ မောင်ထွန်းအောင် စတဲင်နဝ်ꩻဖုံႏသွူ....။

နင်ႏကဝ်ႏတဖြာꩻအဝ်ႏတန်ꩻဆီတွင်ꩻအရိုꩻခန်း အမွိုးနုဲင်းယို..

“မွိုး.ပိုမူႏမိဥ်ႏအောင်ႏတန်ꩻဆီနဝ်ꩻဖြေꩻဖေႏဖုံးနော”
“ပိုမူႏမိဥ်ႏအောင်ႏမꩻဖြေꩻဖေႏ ကျိုꩻစာꩻလိတ်နော”

၂၀၁၇-၂၀၁၈ တန်ꩻဆီအောင်ႏစာႏရင်ꩻစွုမ်ႏထန်ႏ တွော့ꩻနင်ႏကဝ်ႏအောင်ႏခန်းနုဲင်းနုဲင်းနဝ်ꩻသွူ။

“မွိုးပိုမူႏတန်ꩻဆီအောင်ႏလဲဥ်း နီမွိုးကရိုꩻခါꩻဒါႏ ငဝ်းနဝ်ꩻတောင်ꩻဒျာႏရိုးအီမွိုး”
“တောင်ꩻဒျာႏပိုမူႏ နီမွိုးတအွဥ်ႏဖေင်ꩻတဝ်း နီမွိုးသꩻရေꩻငါႏ...တွိုႏပိုမူႏသွꩻနင်ႏငဲပေႏနဝ်ꩻကဲႏအောင်ႏနေႏ”
“အောင်ႏမွိုး....နဝ်ꩻတဲ့ မွူးရဝ်ꩻနီꩻထင်ႏဖြေꩻတွမ်
ဖုံးမွိုးနော”
“အိုး.ပိုမူႏယွꩻယွꩻကမွိုင် နီမွိုးရွဥ်တဲ့အဆင်ႏတပြေႏ တဝ်းဒွိုန်းယို ပိုမူႏဖူးပေႏလိတ်စောင်ႏတဲ့အဝ်ႏလိုႏ ဖြေꩻ၊ ဆဲင်ꩻခွမ်ꩻလာꩻတဲ့အဝ်ႏလိုႏဖြေꩻ၊ သီဖါတဲ့ကျမ္မာႏ ရေꩻတဟဝ်တဝ်း တသီႏတဲ့အဝ်ႏလိုႏဖြေꩻ၊ ထာꩻလွုပ်ꩻ ထာꩻမာꩻယိုအဝ်ႏနီမွိုးတဖြာꩻလွုမ်နဝ်ꩻ ရွဥ်နွို့အဝ်ႏ ဆေ့ꩻငါႏ နဝ်ꩻမꩻ ငါယိုလာမꩻဖြေꩻနဝ်ꩻအဆင်ႏပြေႏ တဝ်းနဲ့ပိုမူႏ”
“လꩻတဝ်းမွိုး နီမွိုးရိုꩻခါꩻသွူနဝ်ꩻ ဖြေꩻဖေႏဗာႏ ပိုမူႏ လဲင်ကျိုꩻစာꩻသွူလိတ်နဝ်ꩻ ပိုမူႏသွꩻဖုံႏနဝ်ꩻခွုမ်ဖုံး ညလဲဥ်း တွိုႏပိုမူႏနဝ်ꩻခွုမ်ဗာႏတဝ်းဒွိုန်း😡”
“ပိုမူႏမိဥ်ႏထင်ႏတက္ကသိုလ်ႏနဝ်ꩻရွဥ်အီႏလို့ကနဝ်ꩻအီ”
“တသေတဝ်းမွိုးဖြေꩻဖေႏဗာႏ😡😡”

အဖါအဝ်ႏခင်ႏလမ်းဗေင်ႏကိုထွိုင်ႏဟွုန်

“ပိုမူႏနီဖါကျမ္မာႏရေꩻတဟဝ်တဝ်းလဲ့ပိုမူႏအဝ်ႏသေ ဒျာႏမွေးတဝ်းနဲ့ တသီႏတဲ့စွုမ်ႏလာလာအဝ်ႏအွꩻ ဗာႏနဝ်ꩻအဝ်ႏထီႏဒျာႏမွေးတဝ်းဟောင်း...”
“နီမွိုးနီဖါသီးနဝ်ꩻနေးနဝ်ꩻပီႏပီႏ ပေါ်နေးနဝ်ꩻတဲ့ပိုမူႏ တအုံတဝ်းဒွုမ်လမ်း”
“မူႏမွိုးဖြေꩻဖေႏခန်းနဝ်ꩻမွိုင် မဲ့ပိုမူႏသꩻယပ်ထဲင်း”
“ရွဥ်အဆင်ႏတပြေႏတဝ်းနဝ်ꩻ မူႏဖါအဝ်ꩻသေဒျာႏ မွေးတဝ်းနဲ့”
“နဝ်ꩻတဲ့ လွေꩻရီစမ်ꩻယင်းခွေဖူးပေႏခွန်ကျောႏထျꩻ နဝ်ꩻမွိုင်၊ ကွီကူႏညီႏစမ်ꩻဝွေꩻနဝ်ꩻ ဒေါ့ꩻနယ်ခြဲင်းနယ် ဖေႏအကျောင်ꩻခရာႏနဝ်ꩻသွူ။”
“အွူ မဲ့မူႏမွိုးရီစမ်ꩻ”

ဖြားသောင်ႏတွမ်ႏမွိုးပဲင်ꩻနဝ်ꩻသꩻယပ် ...မွိုးပဲင်ꩻတဖြာꩻယူႏခန်းနုဲင်းယို ခွေမိဥ်ႏလွေꩻရီခွန်ကျောႏထျꩻ လာကရီးတဲ့ထူႏငါး လဲဥ်းရွဥ်တသိန်ႏ၊ အီႏထူႏငါးထဲင်းယင်းနဝ်ꩻ အဆင်ႏ ပြေႏနေဟောင်း...ယဝ်းလွေꩻရီစမ်ꩻစမ်ꩻ လꩻတဲ့လꩻ လꩻတဝ်းတဲ့ထုမ်ႏရီဗာႏအလင်သွူ..မွူးစွုမ်ႏပင်ꩻလင်ꩻ မွိုးပဲင်ꩻလွေꩻထေ့မိုးခန်းပွယ်ꩻစာꩻခွန်ကျောႏသီးလမ်း

“ခွန်ကျောႏ ခွန်ကျောႏ အဝ်ႏတဝ်းဟောင်း နင်ႏသန်းနု”
“အဝ်ႏ ထင်ႏလမ်းကီယိုဟိုင်းမွိုးပဲင်ꩻ”

ခွန်ကျောႏအဝ်ႏထွားခန်းလိတ်ဖရာꩻကျောင်ꩻစꩻငါ

“လွဥ်လွဥ်မွိုးပဲင်ꩻ အုံလင်ꩻငါယို ကူအွꩻနိန်းထီ...
နာꩻကိစ္စအဝ်ႏနေးမုဲင်ꩻတန်ဟောင်း
နာꩻလွိုးမွော့တရေꩻတဝ်းအီ”
“ခွေမိဥ်ကွီငါႏအကူႏအညီႏတစိꩻဝွေႏငါ”
“အကူႏအညီႏတမုဲင်ꩻတန်ဟောင်း”
“ဖေႏငါးယင်းရွဥ်ယိုနီသွံသိန်ႏငါ အဆင်ႏပြေႏတဝ်းနဲ့”
“အိုး..ရွဥ်ခွုင်းနဝ်တန်နဝ်ꩻနာꩻမာꩻအီတမုဲင်ꩻတန်
ဟောင်း..လာကရီးတဲ့ဖေႏငါးနာꩻရွဥ်တသိန်ႏနဝ်ꩻဟွေး..ရွဥ်တသိန်ႏနဝ်ꩻလို့လဲဥ်းနဝ်ꩻ”
“လို့လဲဥ်း”
“နာꩻမာꩻငါႏတမုဲင်ꩻတန်ဟောင်း”
“ဖြေꩻဖေႏပိုခွုမ်ꩻလာꩻ၊ ပိုလိတ်စောင်ႏ၊ ဖါဖြားသောင်ႏ တသီႏ ဖြေꩻနဝ်ꩻဖုံႏတဲ့အလို့ထိုꩻလဲဥ်း”
“ရွဥ်နီသွံသိန်ႏနဝ်ꩻမာꩻအီမုဲင်ꩻအယ်”
“ပိုမူႏတန်ꩻဆီအောင်ႏတဲ့ခွန်ကျောႏအဝ်ႏသေဒျာႏမွေးတဝ်းနယ်”
“သေဒျာႏသꩻရေꩻကိုငါႏ”
“ပိုမူႏအဝ်ႏတန်ꩻဆီတွင်ꩻသမ်းရိုခါꩻဗာႏငဝ်းနုဲင်းယို ပိုမူႏမိဥ်ႏအောင်ႏတန်ꩻဆီမꩻဖြေꩻဖေႏဖုံး...ယိုခါစွုမ်ႏ အောင်ႏတွော့ꩻ”
“အော်...စွုမ်ႏအောင်ႏတွော့ꩻဖြေꩻဖေႏဗာႏဖုံးနေးနဝ်ꩻသွူ။ နင်ႏကဝ်ႏသူနဝ်ꩻနာꩻပိုမူႏရိုꩻကီလဲ့တွမ်ႏခွေပိုမူႏ ဗွိုန်ဗွိုန်ဝင်ꩻနဝ်ꩻသွူ ကူႏညီႏဖေႏဗာႏအီ”
“ပိုမူႏရိုꩻမိဥ်ႏဖြေꩻဖေႏတဝ်းဖုံးနဝ်ꩻအုံဒွုမ်လမ်းကိုတဲ့”
“လိုꩻပေႏယိုလွောက်ငါႏတလꩻတဝ်းမွိုးပဲင်ꩻ..နာꩻကကွီဒျာႏရွဥ်ခွုင်းနဝ်ꩻတဲ့နာꩻအဆင်ႏမိဥ်ႏပြေႏတနီꩻမꩻဖေႏချာနဝ်ꩻသွူ..နာꩻဝါꩻဖြားသောင်ႏသူတဲ့ကွပ်စွဥ်ႏခွေဝေးမꩻခွေကူႏညီႏသီနုဲင်းလိုꩻလင်ꩻနဝ်ꩻ
ခွေတဖေႏတဝ်း.”
“ အွူ ”
“သန်းနု ကိဥ်ႏထူႏလွဥ်ရွဥ်လမ်းမဥ်ကိုနဝ်ꩻ သွံသိန်ႏခွဲ ငါမွိုင်”

နင်ႏသန်းနုတဲ့ထူႏလွဥ်ရွဥ်တွော့ꩻ ဖေႏခတ်းအဝါꩻခွန် ကျောႏ၊ ခွန်ကျောႏတဲ့ဖေႏခန်းမွိုးပဲင်ꩻနဝ်ꩻသွူ။

“ယို ရွဥ်သွံသိန်ႏခွဲ ထူႏသဲင်ꩻသွူတွော့ꩻ နာꩻလွေꩻဖြေꩻ ဖေႏခန်းနင်ႏကဝ်ႏဖုံးနဝ်ꩻ။..သွံသိန်ႏနဝ်ꩻဖြေꩻခန်းဖုံး အွိုးငတ်ꩻသောင်ႏနဝ်ꩻ လမ်းကိုကာအဝ်ႏလိုႏသွုံꩻ ဒါႏနဝ်ꩻဖြေꩻသဲင်ꩻခန်း၊ မိဥ်ႏထွူဖြေꩻသဲင်ꩻပါခန်းနာꩻ ပိုပေႏထာꩻအံႏနဝ်ꩻ တရေင်ꩻနီရေင်ꩻတာႏငါ”
“ခွန်ကျောႏကေꩻဇူꩻတင်ႏငါႏမရေႏမရာႏသွူ”
“လꩻဒျာႏလိုꩻတဖူးဝေးက တဖြာꩻမိဥ်ႏမော့ꩻအယပ်အခုဲင်ႏတဲ့တဖြာꩻကူႏညီႏ ဗာႏနဝ်ꩻသွူ...အံႏညီကဒဲဥ်ယို အံႏဒဲဥ်ထွူမꩻသဲင်ꩻ”
“လꩻလဲဥ်းခွန်ကျောႏမဲ့လမ်းကိုသားအဝ်ႏမောင်ꩻ”
“နဝ်ꩻတဲ့မွေးသွူ”

မွိုးပဲင်ꩻသဲင်ꩻတဖူꩻလောင်းတွင်ꩻ ယူႏခန်းနုဲင်းယို
“လိုꩻကုသိုလ်ႏကံႏမွော့တဗွိုန်ပီတဝ်းဝင်ꩻဟောင်း”တွိုႏခွန်ကျောႏသီးနဝ်ꩻချံꩻသာႏငါႏ၊ သဌေꩻငါႏ၊ ခွန်ကျောႏအလောင်းယိုနီတမိသားစုလွုမ်း ကေꩻဇူꩻအာငါႏမရေႏမရာႏသွူ...မွိုးပဲင်ꩻထွိုင်ႏတွိုႏ သဲင်ꩻလမ်းငါ..နင်ႏကဝ်ႏတဖြာꩻ

“အို နီမွိုးသဲင်ꩻလွဥ်လဲဥ်း နီမွိုးလွေꩻရီရွဥ်နဝ်ꩻအဆင်ႏပြေႏ နေႏမွိုး”
“ပြေႏဒျာႏပိုမူႏ”
“အဖေႏငါႏနီမွိုးခွိုန်းမုဲင်ꩻအီ”
“သွံသိန်ႏနဝ်ꩻသွူ”
“နီမွိုးယိုပိုမူႏအရက်သွတ်ꩻ...နဝ်ꩻတဲ့မွူးရဝ်ꩻနီꩻပိုမူႏ တွမ်ႏနင်ႏကလျာမိုးထင်ႏဖြေꩻဖုံးတောင်ႏကီꩻမွိုးနော”
“အွူအွူပိုမူႏ”

နင်ႏကဝ်ႏနဝ်ꩻတဟာဗေင်ႏထာꩻခိန်ခင်ꩻဒွုမ် အဝ်ႏမောင်ꩻ စွဥ်ႏမွူးလေလွုမ် မွူးထွိုင်ႏလေတွော့ꩻနင်ႏကဝ်ႏတဖြာꩻလွေꩻစဝ်းခန်း နင်ႏကလျာမိုးသီးလမ်း...

“ကလျာမိုး ကလျာမိုးထွိုင်ႏတဝ်းဒွိုန်းနယ် ကလျာမိုးထွိုင်ႏခန်းဟုဲင်း နာꩻထင်ႏလွဥ်ခွေဖြေꩻဖုံးတောင်ႏကီꩻမွေးတဝ်းနဝ်ꩻ”
“အဝ်ႏစဝ်းငါႏဒွိုန်းနယ်”
“နီမွိုးရိုꩻထင်ႏစဝ်းစဝ်းသဲင်ꩻစဝ်းစဝ်းတဲ့”
“အွူအွူမွေးသွူ နဝ်ꩻတဲ့အုံပွေါးခွေနာꩻလမ်းနဝ်ꩻနော တဆင်ႏမဲ့ခွေလွဥ်ဟဲ့နာꩻ”
“အွူအွူ မာꩻမွိုင်မွုင်နော”
“အွူအွူ”
“ပိုမူႏအီႏထင်ႏသွူတောင်ႏကီꩻယိုရွဥ်မွော့နီမွိုးတဖေႏ တဝ်းဒွိုန်းအယ်”
“အော..အွူအွူရော ရွဥ်သွံသိန်ႏ ဖြေꩻဖုံးနဝ်ꩻဖြေꩻ ငါအငိုꩻမန်ႏမန်ႏတန်ႏတန်ႏငါနောပိုမူႏ..ရွဥ်မိဥ်ႏအဝ်ႏလွို တဲ့အီသဲင်ꩻချာဒျာႏသွော့လမ်းကိုနော...။”
“နီမွိုးတဲ့ ပိုမူႏအဝ်ႏသေဒျာႏ ပိုမူႏတန်ꩻဆီလဲင်အောင်ႏ သွူတဲ့ ”

နင်ႏကဝ်ႏတွမ်ႏနင်ႏကလျာမိုး ထုမ်းသွူလိုင်းကာꩻ တွော့ꩻထင်ႏဖြေꩻခန်းဖုံး"လူကြီးမင်း"ဖုံးဆဲင်ႏနဝ်ꩻသွူ
ဖြေꩻခန်း Samsung J7 အငိုꩻနဝ်ꩻလို့ခန်း(၂၃၀၀၀၀) လွိုဆေ့ꩻဆေ့ꩻနဝ်ꩻသွူ ရွဥ်အလွိုနဝ်ꩻ နင်ႏကဝ်ႏတွမ်ႏနင်ႏကလျာမိုး လယ်ႏခန်းထာꩻမြို့မဆေꩻ ၊ ဖြေꩻခန်းဒျာႏခွမ်ꩻလာꩻဖုံႏ မွန်းဖုံႏနဝ်ꩻသွူ။ "လိုꩻမူႏသီးအမျိုꩻနဝ်ꩻ အဝ်ႏသေဒျာႏ အတွိုင်ꩻကရိုး အကျွိုက်ထာꩻတရေꩻ ဆဲင်ꩻခွမ်ꩻလာꩻ ဖုံႏ အံႏအွꩻဖုံႏ မွန်းဖုံႏ နဝ်ꩻအကျွိုက်စွုမ်ႏဖြာꩻဖြာꩻ မွေးတဝ်းနဲ့...သွꩻပေႏတဖြာꩻအရိုꩻခန်းနုဲင်းယို
“ပေါ်လွေꩻသွိုသွူဝင်ꩻမူႏပွယ်ꩻဆေꩻဖုံႏနဝ်ꩻ အီလွေꩻအာအာရွဥ်မꩻလꩻ၊ အမိဥ်ႏကွီဆဲင်ꩻခွမ်ꩻလာꩻဖုံႏ ၊ မွန်းဖုံႏ ၊ မဲ့ မိဥ်ႏဖြေꩻဖေႏတဝ်းနဝ်ꩻအသꩻလျားဒါႏ
လိုꩻ” တဲ့....လိုꩻခိုပေႏဖုံႏပေါ်လွေꩻသွိုသွူဝင်ꩻမူႏနဝ်ꩻ အီလွေꩻအာအာသွော့ရွဥ်နော...😜

နင်ႏကဝ်ႏတွမ်ႏနင်ႏကလျာမိုးစွုမ်ႏသဲင်ꩻတွိုႏလမ်း
“ပိုမူႏဖြေꩻဖုံးနေးမုဲင်ꩻတန်ဟောင်းနီမွိုးကိဥ်းထွားစမ်ꩻမွိုင် အငိုꩻလို့ခွိုန်းမုဲင်ꩻဟောင်း”

နင်ႏကဝ်ႏတဖြာꩻသꩻကိုခွေမိဥ်ႏဒေါ့ꩻနယ်မဲဥ်ႏနဝ်ꩻရွဥ် အလွိုယိုနီမွိုးအီႏရီခွေ..ခွေဒေါ့ꩻအငိုꩻအာအာမꩻလꩻ

“ဖုံးယိုနဝ်ꩻအစꩻထန်ႏ ဟဝ်တဲ့ဟဝ် လို့သွံသိန်ႏဗော့ꩻ ဗော့ꩻမွိုး ကားခပါအံႏအွꩻပါနဝ်ꩻ ရွဥ်အဝ်ႏလွိုတဝ်း ၊ ဖြေꩻဆဲင်ꩻဖြေꩻမွန်းဖုံႏမိဥ်ႏတဲ့ထူႏငါးဗာႏထဲင်းနင်ႏကလျာမိုးထျꩻဆေ့ꩻဆေ့ꩻ...”

ကေားကထွာဒါႏအမွိုးနဝ်ꩻလဲ့ ဝင်ꩻတခွုမ်ဖိုတဝ်းဖုံး နဝ်ꩻက အပိုမူႏဒေါ့ꩻနေးမုဲင်ꩻမုဲင်ꩻတဲ့အအဝ်ႏယွုမ်းဒျာႏ
နဝ်ꩻသွူ။...

နင်ႏကဝ်ႏတဖြာꩻစွုမ်ႏလꩻဖုံးတွော့ꩻထာꩻမာꩻတဲ့သေမာꩻဒွုမ် ပစိုးဖုံးစွုမ်ႏနီꩻနီꩻ သွုံꩻဒါႏလွဥ်စသွူ ဖေ့ဘွတ်(Facebook) ၊ မက်ဆင်ဂျာ(Messager)
ဒင်ႏဒါႏခန်းပွုံႏဖုံႏ၊လိတ်ဖုံႏ၊ ဖေ့ဘွတ်(Facebook)လောင်းထွာသွꩻကွဲးအာအာ
လွဥ် ပအိုဝ်ႏခိုပေႏဖုံႏဒေါ့ꩻရီလွဥ်ဝွေꩻ နင်ႏကဝ်ႏတဖြာꩻ ဒေါ့ꩻရီချာတဝ်း.... (နင်ႏကဝ်ႏယိုလိုꩻမူႏယောင်ꩻရေꩻတဖြာꩻသွူ)
ယွုမ်းဒျာႏအယောင်ꩻဆင်ꩻတွော့ꩻ အွဥ်ႏထိုဒျာႏ မာႏန 
နဝ်ꩻသွူ။...

တွိုႏနဝ်ꩻတနီꩻမန်းပေႏမန္တလေꩻတဖြာꩻဒေါ့ꩻရီလွဥ်ခန်းဝွေꩻမက်ဆင်ဂျာ(Messager)ကိုဝွေꩻတဲ့ဒေါ့ꩻရီချာ
ခန်းဒျာႏ...လစ်ငတ်ꩻနီꩻအကိုဖိဥ်းမွန်းခန်းဒျာႏဝင်ꩻ
နဝ်ꩻသွူ မန်းပေႏနဝ်ꩻအမဥ်ꩻမောင်ကျော်ရဲ ကွဲးဒေါ့ꩻရီရီ တွော့ꩻနင်ႏကဝ်ႏတဖြာꩻအထင်း တန်ဒျာႏလိုꩻဝေင်ꩻ၊ ပသာလူႏလုဲင်ႏခန်းဝင်ꩻပွုံႏဖုံႏ ဒေါ့ꩻရီဝင်ꩻVideo Call ဖုံႏ ဆွုတ်ခါႏခါႏဖုံး ဒေါ့ꩻရီခါႏခါႏလိုင်းလောင်း၊ နင်ႏကဝ်ႏတဖြာꩻယို
အခိန်ႏတွိုင်ꩻအဝ်ႏ သေႏသေႏစွဥ်ႏလိုင်းလောင်း..
ထာꩻမာꩻလဲ့သေမာꩻဒွုမ်..ဝွေꩻသီးဝင်ꩻနီ
ဒေါ့ꩻရီဝင်ꩻမွူးနီꩻပေါင်ꩻအာ လာပေါင်ꩻထွိုင်ႏညဆွာꩻ
နဝ်ꩻထွာခန်းဝင်ꩻမူႏဝင်ꩻခို ၊နင်ႏကဝ်ႏတဖြာꩻ
ဒေါ့ꩻရီဗာႏတဝ်းဖုံး ၊သွုံꩻဗာႏတဝ်းလိုင်းနဝ်ꩻဝွေꩻယို
အုံထာꩻသူႏသေဒွုမ်....ဝွေꩻသီးဝင်ꩻနီယိုအထန်ႏတဲ့တထီႏဖိုတဝ်းဝင်ꩻ နင်ႏကဝ်ႏနဝ်ꩻယွုမ်းမွေးစွဥ်ႏ
မောင်ကျော်ရဲနဝ်ꩻသွူ။..မောင်ကျော်ရဲအကျောင်ꩻ
အဝ်ႏနေးမုဲင်ꩻ၊ လိုꩻနေးမုဲင်ꩻတဲ့ဝွေꩻတသေလို့တဝ်း၊ မန်းယိုထာꩻဒေါ့ꩻဒါႏ၊ ငဝ်းအွီႏ  ၊တွိုႏအထာꩻကျံႏအဝ်ႏနေးမုဲင်ꩻနဝ်ꩻနီတသေတဝ်း အဝ်ႏယွုမ်းငီႏ ငါꩻဒျာႏပါꩻ...နင်ႏကဝ်ႏတဖြာꩻ ယူးခန်းနုဲင်းယို “မိဥ်ႏအုံဗာႏဝေင်ꩻနဝ်ꩻရပျောႏငါႏ”တဲ့

ခါႏယင်းတနေင်ႏ နင်ႏကဝ်ႏတန်ꩻဆီအမတ်သမ်းလꩻ အာတွော့ꩻ လင်ꩻထင်ႏခန်းတက္ကသိုလ်ႏမန္တလေꩻဝေင်ꩻ ကိုနဝ်ꩻသွူ။... နင်ႏကဝ်ႏတဖြာꩻသꩻကိုပျောႏမွေးစွဥ်ႏ
...အီႏခွဲးဗာႏသွူ အဝင်ꩻခိုမန်းပေႏမန္တလေꩻနဝ်ꩻက..
နင်ႏကဝ်ႏသီးဒုံဗွေႏစင်ꩻပညိန္ဒသမ်းအဝ်ႏမန္တလေꩻနေနေတွော့ꩻ ကွီကူႏညီႏခန်းဗွေႏစင်ꩻ...ဗွေႏစင်ꩻတဲ့ သမ်း ထွာဝွေꩻဒုံသားတွော့ꩻ ထုမ်ႏခါꩻဖေႏခင်ႏလမ်းအုံ......
နဝ်ꩻသွူ။

နင်ႏကဝ်ႏတဲ့ဟဲ့သွူအမွိုး၊တွမ်ႏအဖူးအဝေးဖုံႏတွော့ꩻကျောင်ꩻဗွောင်ခိန်ႏစွုမ်ႏတွိုႏတဲ့လင်ꩻမိုးခန်းဗွေႏစင်ꩻကအဝ်ႏသတင်ꩻသွုံꩻဒါႏကျောင်ꩻညောင်ကန်တွိုက်ကိုနဝ်ꩻသွူ။

ဗွေႏစင်ꩻတဲ့အွဥ်လယ်ႏခန်းမွိုးပဲင်ꩻသီးစွိုꩻ မန္တလေꩻ ကောင်၊ ထာꩻသားရုံ ၊ စစ်ကိုင်းကောင်၊ မင်းကွန်း၊ ဦးပိန်တံတား၊ ကျောက်စိမ်းဖရာꩻ၊ စတဲင်ဖုံႏနဝ်ꩻသွူ။ဗွေႏစင်ꩻအွဥ်လယ်ꩻခန်းနီနီꩻ ...အခိန်ႏသဲင်ꩻစွုမ်ႏတွိုႏ တွော့ꩻ...မွိုးပဲင်ꩻတဲ့လျောက်လဝ်းခန်းဗွေႏစင်ꩻနုဲင်းယို

“ဗွေႏ..ထွားဆွုံꩻမꩻပါနင်ႏကဝ်ႏယိုနောဝွေꩻနဝ်ꩻအဝ်ႏပေႏကဝေင်ꩻတဲ့သမ်းတအုံဖိုတဝ်း..စထင်ႏစ
တက္ကသိုလ်ႏ ဟန်ႏနေင်ႏလွုမ်နီဗွေႏသွဥ်ပါ ၊ဒေါ့ꩻပါနဝ်ꩻနောဗွေႏ..”
“လꩻဒျာႏတကာႏမူႏ မဲ့ဗွေႏစင်ꩻထွားဒေါ့ꩻပါ”

 မွိုးပဲင်ꩻသီးတစွိုꩻကန်ႏတော့ခန်းဒျာႏဗွေႏစင်ꩻ
မွိုးပဲင်ꩻတဲ့အရိုꩻဖေႏအပိုမူႏနုဲင်းယို

“ပိုမူႏနီမွိုးသီးအီႏသဲင်ꩻသွူ ကျိုꩻစာꩻလိတ်၊ ကျမ္မာႏ ရေꩻတဲ့အွဥ်ႏရေꩻဗဲင်း၊ ရွဥ်တဲ့ချင်းသွုံꩻနော”
“နီမွိုးတဲ့ပိုမူႏအဝ်ႏသေဒျာႏ ဆင်ႏဆင်ႏဝွေႏဒေါ့ꩻပိုမူႏ”

မွိုးပဲင်ꩻသီးစွိုꩻတဲ့သဲင်ꩻချာခန်းဒျာႏဒုံနဝ်ꩻသွူ။

ဗွေႏစင်ꩻတဲ့သွဥ်ဆွုံꩻမꩻခန်းနင်ႏကဝ်ႏ

“နင်ႏကဝ်ႏအဝ်ႏညာꩻလဲဥ်းမွိုးဖါ ယိုခါနဝ်ꩻနာႏဗာႏ ဗွေႏစင်ꩻငဝ်းနော...ဝေင်ꩻနဝ်ꩻတဗွိုန်တဝ်းတော်ꩻ၊ မန္တလေꩻနဝ်ꩻလိုꩻရွိုင်ꩻဖုံႏတဲ့အာ၊ ထင်ႏကျောင်ꩻတဲ့ လိုꩻသျုပ်အာ၊ ထိန်ꩻဒါႏဒါႏချာသွော့နမ်းနော.. နာꩻမိဥ်ႏလꩻသွူဘွဲ့နဝ်ꩻ သဲင်ꩻထွားချာဒျာႏသွော့ ရပ်ရာႏ၊ ဒုံဆောင်ႏ၊ နဝ်ꩻမꩻမွိုးဖါတဲ့ဂုဏ်ႏအဝ်ႏသွူ။..
မွူးရဝ်ꩻနီꩻမꩻဗွေႏစင်ꩻလွေꩻပသာနာꩻ
အဆောင်မိန်းကို”
“ဪဗွေႏ”

ထွိုင်ႏတွိုႏခန်းမွူးရဝ်ꩻနီꩻ ဗွေႏစင်ꩻလွေꩻပသာခန်း နင်ႏကဝ်ႏအဆောင်နဝ်ꩻသွူ။ နင်ႏကဝ်ႏတဲ့လွေꩻခန်း ကျောင်ꩻတွမ်ႏဖယ်ရီကား တွိုႏကျောင်ꩻတဲ့မော့ꩻငါငါ ခန်းဒျာႏအသွꩻဖုံႏနဝ်ꩻသွူ။ ထင်ႏကျောင်ꩻပထမနေင်ꩻ ကွို့နဝ်ꩻနင်ႏကဝ်ႏတဖြာꩻယို ထင်ႏကျောင်ꩻစွုမ်ႏနီꩻနီꩻ တွိုႏခန်းဒုတိယနေင်ႏကွို့တွော့ꩻသွꩻကွဲးအာအာ  ၊ လယ်ႏဒါႏဒါႏစသွူထာꩻ..တွိုႏတနီꩻနင်ႏကဝ်ႏသွꩻမူႏ
နင်ႏငဲပေႏလွဥ်ဟဲ့ခန်းဝွေꩻ..

“ကဝ်ႏ..မွူးရဝ်ꩻနီꩻသွꩻပေႏဖုံႏလွေꩻလယ်ႏထာꩻ(၆)မိုင် (၇)မိုင်တဲ့နီလွေꩻ လွဥ်ႏနယ်ကားခနဝ်ꩻတဖြာꩻ
နီရေင်ꩻလွုမ်..လိုꩻတဲ့အာ ဒုတိယနေင်ႏသား၊ တတိယနေင်ႏသား ဖုံႏတဲ့ပါ..ရပျောႏငါႏနီလွေꩻလွဥ်ႏယို”
“မဲ့ဆရာႏမူႏခွန်းထာꩻသွူ။”
“နန်းပုဲင်ႏ Tutorial မိဥ်ႏတဲ့တအဝ်ႏတဝ်းနဝ်ꩻဟွေး နာꩻတဲ့အဝ်ႏစွဥ်ႏလွေꩻကျောင်ꩻပီႏပီႏ လယ်ႏခါႏခါႏ ထာꩻမꩻအယ်”
“မဲ့ဗွေႏစင်ꩻသေ ဗွေႏစင်ꩻမိဥ်ႏသေနဝ်ꩻအဒေါ့ꩻနယ်နီမွိုးသီးသွူ”
“သေတဝ်းညညမꩻတလဲင်ႏနဝ်ꩻဟွေး နာꩻမိဥ်ႏလွေꩻ တဝ်းတဲ့နီလွေꩻဒျာႏ”

နင်ႏကဝ်ႏတဖြာꩻယူႏခုဲင်ႏထာꩻ၊ခွေမိဥ်ႏလွေꩻ ငမ်းဗွေႏစင်ꩻသေ၊ ခွေမိဥ်ႏလွေꩻတဝ်းငမ်းခွေသွꩻဖုံႏ ဒေါ့ꩻခွေ၊ (၆)မိုင်၊(၇)မိုင်တဲ့သမ်းတတွိုႏဖိုတဝ်းသမ်းမိဥ်တွိုႏ
လွေꩻစွဥ်ႏယိုနင်ႏကဝ်ႏတဖြာꩻချꩻခန်းဆွုံဖျက်ချက်နဝ်ꩻသွူ။ နုဲင်းမွူးဟာနင်ႏကဝ်ႏဟဲ့လွေꩻခန်းနင်ႏငဲပေႏဖုံး

“ငဲ..မွူးရဝ်ꩻနီꩻခွေတဲ့လွေꩻနေနေ....
ဒေါ့ꩻပါကာꩻသားနဝ်ꩻ”
“အွူအွူမွေးသွူ”

နုဲင်းမွူးရဝ်ꩻဝွေꩻသီးတွမ်ႏအသွꩻလွေꩻလယ်ႏခန်း
(၆)မိုင်၊ (၇)မိုင် နဝ်ꩻသွူ။ ထုမ်းညီခန်းဝင်ꩻကာꩻ ... ကာꩻအလောင်းနဝ်ꩻလိုꩻခိုပေႏပါ၊ လိုꩻမူႏပေႏပါ ကွဥ်ကꩻ ခွမ်ꩻလာꩻတဲ့ဗွိုဗာ၊ နင်ႏကဝ်ႏတဖြာꩻနဝ်ꩻယဥ်ႏယဥ်ႏကေႏကေႏကွဥ်ကꩻ
လွဥ်ဒျာႏနဝ်ꩻသွူ။ ကာꩻအလောင်းကပါလွဥ်ဒါႏလိုꩻခို ပေႏဖုံႏနဝ်ꩻတဲ့အဝ်ႏထီႏတရေꩻတေ့ꩻနင်ႏကဝ်ႏနဝ်ꩻသွူ။
မောင်ထွန်းကျော်တဖြာꩻအရိုꩻခန်းနင်ႏငဲပေႏ..

“ငဲပေႏ နင့်သူငယ်ချင်းကအရမ်းချောတယ်နော ငါတို့ကိုလည်းမိတ်ဆက်ပေးအုန်းလေ”
“အင်းပါ...မိတ်ဆက်ပေးမယ်”

နင်ႏငဲပေႏတဲ့မိတ်ဆက်ဖေႏအသွꩻစွုမ်ႏထွူ
မောင်ထွန်းကျော်ရိုꩻယင်း

“ငဲပေႏ..ဖုန်းနံပါတ်လည်းပေးအုန်းလေ”
“ငါကမိတ်ဆက်ပေးပြီးပြီ နာမည်လည်းနင်တို့သိပြီမလားကွကိုယ်တောင်းပေါ့”

နင်ႏကဝ်ႏသီးတစွိုꩻလယ်ႏထာꩻ၊ ခွုမ်ပစိုးထီ လူႏထီ၊ ရုဲက်ဝင်ꩻဓာတ်ပွုံႏဖုံႏစွုမ်ႏထွူ သဲင်ꩻချာခန်းဒျာႏ
အဆောင်ပငါပရာꩻနဝ်ꩻသွူ။မွူးစွုမ်ႏဟာမောင်ထွန်း ကျော်ဟဲ့လွဥ်နင်ႏကဝ်ႏဖုံး...

“နင်ႏကဝ်ႏလား”
“ဟုတ်ကဲ့ရှင့် ဘယ်သူလည်းမသိဘူးနော”
“နေ့လည်ကနင့်သူငယ်ချင်းငဲမိတ်ဆက်ပေးတဲ့မောင် ထွန်းကျော်ပါ”
“အော်..ဘာကိစ္စရှိလို့လည်းမသိဘူးနော”
“ကိစ္စတော့မရှိပါဘူး နင်ႏကဝ်ႏနဲ့ခင်ချင်လို့ပါ ခင်ခွင့်ရမလားနော”
“ရပါတယ် ကဝ်ႏတို့လည်းခင်တတ်ပါတယ်
သူငယ်ချင်းပိုရတာပေါ့”
“ကဝ်ႏနဲ့စကားအကြာကြီးပြောမယ်လေ အဆင်ပြေလား”
“ပင်ပန်းလို့စောသောအိပ်တော့မယ်”
“ဟုတ်ပါပြီ နောက်ရက်မှကျောင်းမှာတွေ့ကြတာပေါ့”
“အိုကေ”

မောင်ကျော်ရဲတဲ့နင်ႏကဝ်ႏသီးကအဝ်ႏအဆောင်နဝ်ꩻ ဝွေꩻလွဥ်လယ်ႏစွုမ်ႏဟာဟာ ဖြေꩻလွဥ်ပါꩻစွဥ်ႏတခိုး ၊

ပထမနေင်ႏသွဥ်လိတ်စွုမ်ႏထွူ သဲင်ꩻခန်းဒျာႏဝင်ꩻ ရပ်ပငါပရာꩻနဝ်ꩻသွူ။ နင်ႏကဝ်ႏတဖြာႏအုံဗာႏဝေင်ꩻ လစ်လာဝွေႏနဝ်ꩻ အကွဥ် အကꩻ အဒေါ့ꩻအဖဝ်ႏ ယိုဗွိုန်ဒွုမ်အလီꩻ ထွားနုဲင်းဒျာႏဝေင်ꩻ ကွဥ်ကꩻခွမ်ꩻလာꩻ တဲ့ဗွိုဗာ ၊ နင်ႏကဝ်ႏတဖြာꩻသꩻကိုနဝ်ꩻအဝ်ႏစွဥ်ႏ မောင်ကျော်ရဲလွုမ် ဆင်ႏဆင်ႏဝွေႏဆွုတ်ဖုံး ဖုံးဘေလ် လဲ့ဆင်ႏဆင်ႏဝွေႏလို့ တွိုႏဝွေꩻလမ်းကိုအဝ်ႏနေးမုဲင်ꩻ ဝွေꩻတသေယူႏတဝ်း..အဝ်ႏမောင်ꩻစွဥ်ႏကျောင်ꩻဗွောင်လွုမ်...

ဆုဲင်ꩻတနေင်ႏစွုမ်ႏထင်ႏကျောင်ꩻ မောင်ကျော်ရဲတဲ့ ထင်ႏနုဲင်းနုဲင်းပထမနေင်ႏ ၊ မောင်ကျော်ရဲသီး မွိုးဖါနဝ်ꩻရွဥ်လွိုင်ႏ၊ လွောက်အပိုခိုအလိုႏ လွောက်အပိုခိုသꩻ၊ မိဥ်လꩻတမုဲင်ꩻတဲ့ဖြေꩻဖေႏ ၊ မိဥ်လွေꩻမုဲင်ꩻလွေꩻဖေႏလွေꩻ ၊

မောင်ကျော်ရဲနဝ်ꩻလွဥ်ဟဲ့နင်ႏကဝ်ႏစွုမ်ႏနီꩻနီꩻ ၊ စွုမ်ႏဟာဟာ ထင်ႏကျောင်ꩻလဲ့တွိုႏတဝ်းကျောင်ꩻ၊ ကျောင်ꩻပေ့ꩻခိန်ႏတဲ့
လယ်ႏထာꩻ ကျောင်ꩻဗွေင်ခိန်ႏ တဲ့လယ်ႏထာꩻ
အကျင်ꩻကွဲးကုဲင်ကုဲင် နင်ႏငဲပေႏတဖြာꩻ အဝ်ႏရိတ်ခေႏတေ့ꩻနင်ႏကဝ်ႏ...
နင်ႏကဝ်ႏတဖြာꩻနဝ်ꩻသမ်းအုံအဆောင်နဝ်ꩻက မိဥ်ထန်ႏခိန်ႏမုဲင်ꩻထန်ႏ၊ မိဥ်နွို့ခိန်ႏမုဲင်ꩻနွို့
ကောႏသွဥ်ဆွုံꩻမꩻသားအဲဥ်ထဝ်း...
တွိုႏနဝ်ꩻတဟာ မောင်ကျော်ရဲတဖြာꩻထာꩻကျံႏ
အဝ်ႏတွော့ꩻဟဲ့လွေခန်းနင်ႏကဝ်ႏဆဲင်ႏ ဝွေꩻသီးကအဝ်ႏအုံသေႏသေႏဆဲင်ႏကန်တော်ကြီးကို
ဆဲင်ႏတန်တဆဲင်ႏနဝ်ꩻသွူ။.. မွူးလဲ့ကွဲးဟာဟာ နင်ႏကဝ်ႏရိုꩻခန်း မောင်ကျော်ရဲနုဲင်းယို

“ကို ချစ်တို့ပြန်ကြရအောင် မိုးလည်းချုပ်နေပြီ ခနနေ ချစ်တို့အဆောင်ပိတ်သွားရင်ဒုက္ခပဲ”
“ချစ်ကလည်း အေးဆေးပေါ့အစောကြီးပဲရှိသေးတယ် စကားပြောတာတောင်မဝသေးဘူး ချစ်ကို့အိမ်လိုက် လည်လေ ညနေ(၈)နာရီမှကိုပြန်ပို့မယ်လေ”
“မဖြစ်နိုင်တာကိုမပြောပါနဲ့ကိုရယ်..ချစ်ကမိန်းကလေးလေဘယ်လိုနဲ့လိုက်လို့ရမတုန်း”
“ရတာပေါ့ အဖေအမေတို့ကိုလည်းတခါတည်းမိတ် ဆက်ပေးမယ်လေ”

မောင်ကျော်ရဲနဝ်ꩻသမ်းအွꩻဗာႏဒဝ်ထီသူႏရာႏတွော့ꩻ မွန်ႏလဲဥ်းပေႏပေႏ ထာꩻကျံႏလဲ့သမ်းအဝ်ႏ..နင်ႏကဝ်ႏ တဖြာꩻဖေႏကသဲင်ꩻလွဥ်ဗာႏခွေနဝ်ꩻ ခွေထွို့အခိန်ႏမꩻ.
(၈)နာႏရီႏလဲ့အီႏဒုံႏသွူ နင်ႏကဝ်ႏတဖြာꩻသꩻယပ် မိဥ်ႏသဲင်ꩻချာနမ်းတဖြာꩻ ကန်တော်ကြီးတွမ်ႏမိန်းကို သမ်အဝ်ႏညာꩻ လိုင်းကာꩻလဲ့မအဝ်ႏ၊ယူႏလဲ့သူႏသေတဝ်း...
မိန်းကိုကထွာဒျာႏအဆောင်ဗွေႏမူႏဆွုတ်ဖုံး..အသွꩻမူႏနင်ႏငဲပေႏတဲ့ဆွုတ်ဖုံး နင်ႏကဝ်ႏတဖြာꩻသမ်းပေ့ꩻ ခါꩻဖုံး၊ တွိုႏ(၈)နာႏရီႏခွဲမောင်ကျော်ရဲရိုꩻခန်း...

“ချစ်ဒီချိန်ဆိုအဆောင်လည်းပိတ်ပြီ
မပြန်နဲ့တော့နော”
“မပြန်ဘဲနဲ့ဘယ်နားသွားအိပ်ရမလဲ”
“ဖုန်းပြန်ဖွင့်ပြီး အဆောင်မှူးကိုဖုန်းဆက်၊သူငယ်ချင်းနင်ႏငဲပေႏတို့ကိုအကြောင်းအရာပြောပြလိုက်ငါတို့ဆိုင်ကယ်ပြတ်လို့ဦးဇင်းဆီမှာပဲ
အိပ်မယ်လို့ပြောလိုက်”
“ဖြစ်မှဖြစ်ပါ့မလားကိုရယ်”
“ဖြစ်တယ်အဲလိုပဲပြောလိုက်”

နင်ႏကဝ်ႏတဖြာꩻ ဆွုတ်ခန်းဖုံး ဒေါ့ꩻနယ်ခန်းအခရာႏ စွုမ်ႏထွူ..

“ကို ခုချစ်တို့ဘယ်နားသွားအိပ်မလဲ ”
“ချစ်ကလည်း အစောကြီးရှိသေးတယ်ကို”
“ချစ်အိပ်ချင်နေပြီ ဆိုင်တွေလည်းသိမ်းနေပြီ”
“ဟုတ်ပါပြီ ချစ်စိတ်ချမ်းသာအောင်ပြန်လိုက်မယ်”

မောင်ကျော်ရဲတဖြာꩻနဝ်ꩻယူႏဒျာႏအီႏသဲင်ꩻလမ်း ဟောင်းနဝ်ꩻ လွေꩻတေားဒျာႏဟော်တယ်တဖြုံႏနဝ်ꩻသွူ။
တွိုႏဟော်တယ်ငါတွော့ꩻ..
“ကို ဘာလုပ်တာလဲ ချစ်မလိုက်ဘူးနော”
“ချစ်..ကို့ကိုချစ်တယ်မလား”
“ချစ်တာပေါ့”
“ချစ်ရင်အပေါ်တက်မယ်လေနော”
“မတက်ဘူး ချစ်မတက်နိုင်ဘူး”
“ဘာဖြစ်လို့လည်းချစ် ချစ်ကို ကိုတစ်သက်လုံး ရည်ရွယ်ထားတာမို့ ခေါ်တာ ကိုတို့ကျောင်းပြီးရင် လက်ထပ်ကြမယ်လေနော ချစ်”
“ခုကလက်မှမထပ်သေးတာ ချစ်မတက်ဘူး”

မောင်ကျော်ရဲဒေါ့ꩻငဝ်းအမျိုꩻမျိုꩻ သွုံꩻအနယ်ꩻအမျိုꩻ မျိုꩻ နင်ႏကဝ်ႏတဖြာꩻအုဲင်ႏလွေꩻလွဥ်ꩻတဝ်း
မောင်ကျော်ရဲတွမ်ႏနင်ႏကဝ်ႏ... သꩻလျားခန်းဝင်ꩻနဝ်ꩻကိုမိနစ်သွံဆီ ရပ် ... နင်ႏငဲပေႏတဖြာꩻတဲ့ဟဲ့သွူးစွဥ်ႏဗွေႏစင်ꩻဖုံး၊ ဒေါ့ꩻနယ်ခြဲင်ႏနယ်ဖေႏအခရာႏ၊

“ဗွေႏ..နင်ႏကဝ်ႏသီးတွိုႏလဲဥ်းနယ်”
“အယ်..တွိုးတဝ်းအီ ထွာမုဲင်ꩻခရာႏ”
“အရိုꩻဗေင်ႏနီဗွေႏထျꩻအယ်”
“စွဥ်ႏပိုမုဲင်ꩻအီ”
“တွမ်ႏမောင်ကျော်ရဲ ဝင်ꩻနီလွုမ်ႏ”

ဗွေႏစင်ꩻတွမ်ႏနင်ႏငဲပေႏသီးလဲ့သꩻယပ် ဗွေႏစင်ꩻတပါꩻ လဲ့ဟဲ့စွဥ်ႏကျောင်ꩻသားတဖြာꩻ လွေꩻမိုးခန်းနင်ႏငဲပေႏ သီးအဆောင် ၊ နင်ႏငဲပေႏတဲ့ဟဲ့တွမ်ႏအသွꩻမူႏတဖြာꩻ ထုမ်ႏလွဥ်ခန်းဒျာႏနင်ႏကဝ်ႏ...ဗွေႏစင်ꩻရီခန်းငဲပေႏ
နုဲင်းယို..

“ဝွေꩻသီးအလွေꩻကျင်ꩻဆဲင်ꩻမုဲင်ꩻကိုဖဲ့ ပွိုင်းလဲင်ႏနဝ်ꩻ”
“ကန်တော်ကြီးဆဲင်ႏတန်တဆဲင်ႏနဝ်ꩻဝွေꩻသီးအုံသေႏ သေႏက ”
“နဝ်ꩻတဲ့လွေꩻထုမ်ႏစမ်ꩻယို”

ဗွေႏစင်ꩻတွမ်ႏနင်ႏငဲပေႏသီးဝင်ꩻလစ်တွိုႏခန်းဆဲင်ႏငါ
ဗွေႏစင်ꩻရီခန်းထာꩻမာꩻသား(စာပွဲထိုး)တဖြာꩻ

“ဒကာ စောနကလေဒီဆိုင်မှာကောင်လေးတစ် ယောက်နဲ့ကောင်မလေးတစ်ယာက်လာထိုင်တာတွေ့လား”
“ဆိုင်လာဧည့်သည်တွေကအများကြီးပဲဘုရား”
“နောက်မှပြန်တဲ့သူတွေကောမှတ်မိလား”
“အော် မှတ်မိပြီ မှတ်မိပြီ နေ့တိုင်းလာထိုင်တဲ့ ကောင်လေးနဲ့ကောင်မလေးကိုပြောတာထင်တယ်”
“ဟုတ်တယ်ဟုတ်တယ် သူတို့ဘက်ဖက်သွားလည်း”
“ကနေ့ကထူးဆန်းတယ် သူတို့အရင်ကပြန်နေကျ လမ်းကိုမပြန်ဘဲနဲ့ ဒီဖက်လမ်းကိုမောင်းသွားတာတွေ့တယ်ဘုရား”
“ကျေးဇူးနော ဒကာ”
“တင့်ပါ့ဘုရား”

အခိန်ႏနဝ်ꩻ(၁၀)နာႏရီႏရပ်စနယ်... မတော်မကာ မောင်ကျော်ရဲတွမ်ႏနင်ႏကဝ်ႏငဝ်းအာဝင်ꩻတွင်ꩻ ဟော်တယ်ကီတဲ့တထင်ႏတဝ်း လမ်းတဲ့တသဲင်ꩻတဝ်း
အဝ်ႏအုံဟော်တယ်စငါတဖူꩻထျꩻအဆောင်နဝ်ꩻသွူ။
ဗွေႏစင်ꩻတဲ့အဝ်ႏထီႏခန်းဝွေꩻသီး..နဝ်ꩻတွင်ꩻဆိုင်ကယ် မေႏသမ်းထောင်ႏမောင်ကျော်ရဲမဲ့ ဝွေꩻတဲ့သမ်းထီႏလွေꩻတဝ်း ဗွေႏစင်ꩻသီး..မောင်ကျော်ရဲရိုꩻခန်း အခိန်ႏယိုလဲဥ်းမွော့ꩻ မုဲင်ꩻဆိုင်ကယ်ဒါႏနယ်ႏ လွဥ်ဗေင်ႏနုဲင်းနုဲင်းဟော်တယ်ဟောင်း...
စွုမ်ႏထွားစဲင်းစဲင်တွော့ꩻ  တနꩻတောႏဒျာႏနင်ႏငဲပေႏသီး..နင်ႏကဝ်ႏလဲ့စွုမ်ႏထီႏနင်ႏငဲပေႏသီးနဝ်ꩻသꩻရေꩻ...ဗွေႏစင်ꩻတဲ့ဆွုတ်စွဥ်ႏ ဖုံးယဲꩻထျꩻ...မောင်ကျော်ရဲတဖြာꩻယိုယဲꩻဆွမ်ꩻထိုꩻ စွဥ်ႏဒျာႏနဝ်ꩻသွူ...နင်ႏကဝ်ႏလဲ့သဲင်ꩻလွဥ်ႏချာစွဥ်ႏ နင်ႏငဲပေႏသီး...
နင်ႏကဝ်ႏယိုဗွေႏစင်ꩻသီးမိဥ်ႏတလွေꩻထွꩻတဝ်းမွိုင်နဝ်ꩻ
ယူႏလွဥ်ႏယပ်မွေးသွူ..နင်ႏကဝ်ႏဖဝကဝ်ႏယိုအီႏနွူႏ ထိုꩻဗာႏနဝ်ꩻသွူ .... ပိုခိုပိုမူႏဖုံႏနဝ်ꩻထင်ႏကျောင်ꩻ ဝေင်ꩻကို တွိုႏအမွိုးအဖါအွိုးချာနဝ်ꩻ ခမ်းလော့ꩻတဲ့ လွေꩻ ၊ ယာလျားတဲ့လွေꩻ ခွေပိုခို၊ ခွေပိုမူႏယိုဖေႏနေး ကဗွိုန်ပီ ကဗွိုန်ထုဲင်ႏဝင်ꩻနဝ်ꩻ ကျိုꩻစာꩻဖေႏ၊ထုမ်ႏဖေႏ ကျံႏဖေႏ၊ တွိုႏအပိုဖုံႏနဝ်ꩻ ယားရွဥ် ၊ လယ်ႏထာꩻ၊ လွင်ꩻထာꩻ ဖုံႏနဝ်ꩻ အွဥ်ႏထင်ႏကျောင်ꩻထူꩻကဲးတမုဲင်ꩻ
ထင်ႏကျောင်ꩻလဲ့ကျိုꩻစာꩻသွော့လိတ် ယူႏလꩻချာဗဲင်ႏ မွိုးဖါ ၊ ထောက်ဗဲင်ႏမွိုးဖါမဲ့ငါ...

ခွေသွဥ်းမိဥ်ဖေႏသတိနေးမုဲင်ꩻနယ်းတဲင်
- ကောႏကထွာဒျာႏအမွိုးဖါနဝ်ꩻ လိုꩻပေႏသꩻယို   လွောက်လွဥ်ꩻငါႏလꩻတဝ်းသွူ။
- ပအိုဝ်ႏမူႏပေႏဖုံႏတွမ်ႏယွုမ်းယိုꩻမွိုန်းတဝ်းပါꩻ။
- ထင်းတန်မွိုန်းတဝ်းလိုꩻဝေင်ꩻ။
- ယွုမ်းမန်ႏမန်ႏငါမန်း
- ထင်ႏတက္ကသိုလ်ႏတဲ့ ထုမ်ႏဒျာႏသွော့ပညာႏ။

နီပအိုဝ်ႏလိုꩻပေႏနုဲင်းယိုခါထင်ႏကျောင်ꩻဝေင်ꩻကိုနဝ်ꩻ အဝ်ႏအာတန်နဝ်ꩻသွူဖေႏကထွာဗာႏနုဲင်းမွိုန်း
နင်ႏကဝ်ႏနဝ်ꩻကျိုꩻစာꩻဒျာႏသွော့ဝင်ꩻအကျောင်ꩻ...

အမာႏမိဥ်ႏပါတဲ့ခွင်ꩻလွစ်သွော့
ကေꩻဇူꩻတန်ငါႏသွူဩ

ခွန်ခမ်းခွꩻ(ဒုံကောင်ထို)
၁၃-၇-၂၀၁၉