“တဟောဝ်တောဝ်းအကျင်ꩻ”
-----------------------------------------
ဒုံတဒုံအကို ပါꩻပေႏမွိုက် ၊ ပါꩻပေႏကုဲင်အဝ်ႏ တဖြာꩻ....ဝွေꩻနဝ်ꩻအမဉ်ꩻမောင်ႏငဲ ...ဝွေꩻသီးနဝ်ꩻမွိုးဖါရွဉ်အဝ်ႏတွော့ꩻ မိဉ်မာꩻတမုဲင်ꩻမာꩻ မိဉ်ထွာနေးမုဲင်ꩻထွာ ထာꩻသေတရာꩻလဲ့ဆေ့ꩻ အယဝ်အကုဲင်တဲ့ ယူႏဒါႏတဝ်း... မွိုးဖါတဲ့သမ်းလွောက်ꩻအသꩻ ၊ လွောက်ꩻအလိုႏ လွောက်ꩻအပိုဆန္ဒအတွိုင်ꩻ ၊ သမ်းထွာအပေႏသွတ်ꩻ ယလဲင်ႏလဲင်ႏ တွမ်ႏလမ်းသောင်ꩻ လမ်းရင်ꩻ မိဉ်ႏထွာပျဿနာႏတဲ့ အမွိုးအဖါ အဖူးအဝေး ဖုံးဖြေႏသျင်ဖေႏလွဉ်းလွဉ်း ၊ ပျဿနာႏတဲ့ ဆင်ႏဆင်ႏဝွေႏထွာ ဖြေႏသျင်လဲင်ꩻပဲးဒွုမ်...
တွိုႏတနီꩻကထွာဒျာႏအဖါယို ယူႏခန်းနုဲင်းယို
“အော်.. ခွေပိုခိုယို ခွေအဝ်ႏလိုႏဖေႏလဲဉ်း သွဉ်ခန်ꩻမꩻနယ်း ” အဖါတဲ့ ခွေပိုယို ခွေအီႏဖေႏ ဗာႏသွဉ်ခန်ꩻနေးမုဲင်ꩻတဲ့ ယူႏသူႏသေတဝ်းတွော့ꩻ...လွေꩻမို့ခန်း ပညာႏသျင်ႏ တဖြာꩻထျꩻ ကွီခန်းအကူႏအညီႏ ဒေါ့ꩻနယ်ခြုဲင်းနယ်အကျောင်ꩻခရာႏ.. ပညာႏသျင်ႏတဲ့ သဲင်ꩻလွဉ်ႏခန်းဒျာႏ.......
ပညာႏသျင်ႏတဖြာꩻ ဟဲ့သွူ မောင်ႏငဲတွော့ꩻ အွဉ်လွေꩻခန်းကဝ်ႏခြံကို..တွိုႏခင်ႏလမ်းတထွောင်း ပညာႏသျင်ႏအုံစော့ꩻ .. ပညာႏသျင်ႏရိုꩻ
“ယို.မောင်ႏ..နာꩻကိဉ်းထွို့စမ်ꩻကဝ်ႏမွူးပေႏ ယိုတမွူးမွိုင်...” ကဝ်ႏမွူးပေႏနဝ်ꩻက မောင်ႏငဲ တဲ့ ထွို့ရိုႏရိုႏဗော့ꩻတဲ့လꩻသွူ..။ပညာႏသျင်ႏ ထွဉ်းယင်းအမွူးတန်တန်တမွူး..မောင်ႏငဲတဲ့
တွမ်ႏဝွေꩻအာႏကားကအဝ်ႏထေလို့ ထွို့နေးမုဲင်ꩻထွို့ လꩻနွောင်ꩻတဝ်းသွူ..။မောင်ႏငဲရိုႏခန်း “အမွူးကာတန်ထာꩻတဲ့ထွဉ်းထွို့လိုꩻ ထွို့အီႏလꩻနွောင်ꩻပဲးနဲ့”..ပညာႏသျင်ႏရိုꩻ..
“တဟဝ်တဝ်းအကျင်ꩻ”တဲ့နုဲင်းနဝ်ꩻနေနေ အဝ်ႏပေႏအဝ်ႏဆားခါနဝ်ꩻ ဗဲ့ꩻထိုꩻ ထွို့ထိုꩻ ယိုရိုꩻကီလဲ့ အရွီးမိဉ်ႏဗွို့ꩻတဉ်ႏလꩻလဲဉ်းနဝ်ꩻ ထွို့ထိုꩻ ဗဲ့ꩻထိုꩻ တလꩻနွောင်ꩻတဝ်းသွူ..။
မောင်ႏငဲတဲ့ ထွိုင်ႏဟွိုန်ဗာႏ ပညာႏသျင်ႏငဝ်း နဝ်ꩻတငွါ ဝွေꩻသဖော်ꩻဗွောင်..သေနာႏချာစွဉ်ႏ ဝွေꩻနမ်း..တွိုႏဟန်ႏနီꩻမာꩻငါ ခွေယိုဖျင်ချာခန်း ခွေနမ်း ချခန်းဆွုံꩻဖျက်ချက်နေးနဝ်ꩻ..။
“တဟဝ်တဝ်းအကျင်ꩻ”ကရိုꩻနဝ်ꩻ အဗွိုန်သေင်ႏမွူးသွူ အဝ်ႏပေႏပေႏခါနဝ်ꩻဗဲ့ꩻထိုꩻ ထွို့ထိုꩻရိုꩻကီလဲ့ စွုမ်ႏတန်နဝ်ꩻ ဗဲ့ꩻထိုꩻ ထွို့ထိုꩻ ယပ်ငါႏသွူ...။
ခွေသွဉ်းမိဉ်ဖေႏ Message နေးမုဲင်ꩻနယ်းတဲင်
နီပိုခိုတရိုꩻတဝ်း နီပိုမူႏတရိုꩻတဝ်း နီပိုလီꩻဖုံႏ တရိုꩻတဝ်း အဝ်ႏပေႏအဝ်ႏဆားခါနဝ်ꩻ သွဉ်ဖေႏဒျာႏ သွော့ အကျင်ꩻစာရိတ္တဟဝ်ဟဝ်နော်း...။
အမာႏမိဉ်ႏပါတဲ့ခွင်ꩻလွစ်သွော့
ကေꩻဇူꩻတန်ငါႏသွူဪ🙏🙏🙏
#ခွန်ခမ်းခွꩻ(ဒုံကောင်ထို)
တောႏလင်ꩻလောင်း ၃ နီꩻ (၁၆-၉-၂၀၁၉)
No comments:
Post a Comment