ငေါဝ်းတမာ

                    “ငေါဝ်းတမာ”
                🌹🌻🌼🌻🌼🌹

၁ ။ အွဉ်ႏရေꩻသွော့ကျံႏမာႏရေꩻ
      နီနမ်းယို ကျံႏမာႏရေꩻမဉ်ႏတဟဝ်တဝ်းနဝ်ꩻ
မုဲင်ꩻမုဲင်ꩻတဲ့မာꩻတဒါႏတဝ်း ၊ အံႏတမုဲင်ꩻ မုဲင်ꩻတဲ့
လꩻတဝ်းသွူ။ မုဲငါꩻကိုတဲ့တလွေꩻနွောင်ꩻတဝ်း ၊ နဝ်ꩻမꩻ ကျံႏမာႏရေꩻယို ဖေႏနေးကအွဉ်ႏရေꩻဒါႏနဝ်ꩻ နီနမ်းအဝ်ႏ ပေႏပေႏခါ သွဉ်မꩻလꩻနဝ်ꩻသွူ ။ ပြူးယိုတွမ်ႏအွံမွိုန်း ၊ 🍻ဒဝ်ထီသူႏရာႏတဲ့တွမ်ႏအွꩻမွိုန်း ၊ ဒဝ်ထီသူႏရာႏ ယိုထွာဒျာႏ “အစွူႏထီ”သွူ...။မဉ်ႏအွꩻဒဝ်နဝ်ꩻ ထိခွိုက်နီကျံႏမာႏရေꩻ လွုမ်ꩻတကာႏ ထိခွိုက်ပါတွမ်ႏ နီနမ်းကျင်ꩻသိက္ခာႏသွူ...။

၂ ။ ရိုꩻသာႏဗာႏ
      ထာꩻရိုႏသာႏမုယိုနီလိုꩻပေႏလိုꩻတန်စွုမ်ႏဖြာꩻ အလောင်းအဝ်ႏလိုႏအဝ်ႏငါႏဂုဏ်ႏအင်္ဂါတဗာႏနဝ်ꩻသွူ ။တရိုႏသာႏတဝ်းလိုꩻနဝ်ꩻ တွမ်ႏသစ္စာႏအဉ်ထဝ်းနဝ်ꩻ ဗွိုန်ဗွ်ုန်ဝင်ꩻသွူ...။

၃ ။ ယေန်ႏကေႏဗာႏ
       ယေန်ႏကေႏမုꩻအဝ်ႏမꩻနီလိုꩻအဆင်ႏအရန်းတဲ့ ထိုတသွောင်းသွူ ...။ပေါ်ယေန်ႏကေႏတဝ်းနဝ်ꩻ တွိုႏလွေꩻဒါႏအရွိုင်ꩻဖဲ့ꩻ သွူ..။လိုꩻရွိုင်ꩻဖုံႏယို လိုꩻမုꩻရေꩻကိုတဲ့ ထဲ့ဖွိုႏငါႏသွူ...။

၄ ။ သတိꩻအဝ်ႏဗာႏ
       သတိꩻကရိုꩻဒျာႏငဝ်းယိုနဝ်ꩻ “ပါဋ္ဌိ”ငဝ်း...မာꩻရုဲင်း ၊ ခွုမ်ရုဲင်း ၊ ဒေါ့ꩻရုဲင်း ၊ ဖြဝ်ႏရုဲင်း ၊ နဝ်ꩻဝင်ꩻဟဲ့သတိꩻသွူ.. သတိꩻ "ယိုမဉ်ႏဖွင်ꩻနယ်နဝ်ꩻ အဝ်ႏလိုႏမာꩻထာꩻမာꩻတဗာႏယို မာꩻရုဲင်းသွူတကာႏတဝ်း တမာꩻသင်တဝ်းထာꩻမာꩻ ဖုံႏယိုလဲ့ သျောင်းညာꩻရုဲင်း စတဲင်နဝ်ꩻစားဖုံႏနဝ်ꩻ သတိ သွူ...။နုဲင်းအမေရိကန်ႏ လိုꩻပေႏဖုံႏနဝ်ꩻ ဝွေꩻသီးဖဝ မဉ်ႏမဲဉ်အောင်ႏမျင်ႏထာꩻနဝ်ꩻ အွဉ်ႏဗာႏ သတိꩻ အမဲဉ်ႏ တရာꩻတဲ့...။မဉ်ႏတအဝ်ႏတဝ်းလဲ့ အဝ်ႏပေႏပေႏခါကာႏ အမွိုး အဖါဖုံႏယို သွဉ်ဖေႏဒေါ့ꩻ ဖေႏနဝ်ꩻသွူ...။

၅ ။ တွမ်ႏလိုꩻတဗွိုန်တဝ်းထူꩻချာꩻဗာႏ
      အင်္ဂလိပ်ငဝ်းတငွါ “Unlock your creativity ”နီထာꩻဖန်ꩻဆင်ꩻ နီထာꩻယူႏဖုံႏယို အဝ်ႏလိုႏပေ့ꩻခါꩻတဝ်း အဝ်ႏလိုႏဗွောင်ဖေႏ နဝ်ꩻသွူ...။လိုꩻပေႏဖုံႏယို အခိန်ႏတွိုင်ꩻ အခိန်ႏတွိုင်ꩻ ထာꩻယူႏတဆာ ထာꩻစိက္ကူ တဆာ ယိုအဝ်ႏယူႏသေႏသေႏမꩻ တိုꩻတက်ဒါႏသွူ...။

၆ ။ ကူႏညီႏဒါႏသွော့ဝင်ꩻ
      လိုꩻယဟန်ႏကကူႏညီႏဒျာႏဝင်ꩻနဝ်ꩻ ဝင်ꩻဟဲ့ “ပရဟိတ”သꩻဓာတ်ꩻအဝ်ႏသွူ...။လိုꩻယိုနဝ်ꩻ လိုꩻမုꩻ ဆွိုက်ဆံႏရေꩻ ၊ Social being ၊ အုံအဝ်ႏတဖြာꩻတဒါႏတဝ်း ...။ မဲ့အဝ်ႏကုဲသ်ဆုဲင်ꩻဒါႏ ဝင်ꩻ ဖေႏနေးကထွာဗာႏမွိုန်းနေးနဝ်ꩻနဝ်ꩻ အဝ်ႏလိုႏငါႏ မိတ်ဆွေႏဟဝ် ၊ သွꩻဟဝ် နဝ်ꩻသွူ...။မဉ်ႏမဲဉ်လꩻသွꩻ ဟဝ် မိတ်ဆွေႏဟဝ်တဲ့ ဖျင်ရီးရီးချာသွော့နီနမ်းကျင်ꩻ သိက္ခာႏဖုံႏယိုဟဝ်ဗာႏသွူ...။
“နာꩻယိုမိတ်ဆွေႏ ဟဝ်အဝ်ႏခွိုင်းမုဲင်ꩻဖြာꩻနေႏ..?”
“အဝ်ႏ တရေင်ꩻရပ်” “မွော့ဆေ့ꩻငါႏအယ်....ရန်ႏသူႏတဖြာꩻ နီဖြာꩻကဲအဝ်ႏ တဝ်းနယ် ?”
“အဝ်ႏ ”
“ မွော့အာငါႏနဝ်ꩻအယ်”
ဆရာႏတန်တဖြာꩻသွဉ်ဆွုံꩻမꩻခန်းတပည့်နုဲင်းယို “ရန်ႏသူႏယိုတွမ်ႏအဝ်ႏဗာႏမွိုန်းနော ..အွဉ်ႏငါမိတ်ဆွေႏ ဟဝ်ငါ”တဲ့ နဝ်ꩻမꩻ နီသွဉ်းသီးဖုံႏတဲ့ ရန်ႏသူႏယိုတွမ်ႏအွဉ်ႏမွိုန်းနော...။

၇ ။ ဖဝယိုအုံပျောႏပျောႏသွင်ႏသွင်ႏ အုံသျင်သျင်ထာꩻ
       နီဖဝယို စွုမ်ႏနီꩻစွုမ်ႏလာ ၊ စွုမ်ႏနေင်ႏသက်အဝ်ႏ မွန်ဗန်တွင်ꩻ သꩻမဉ်ႏခုဲင်ႏတသေႏသေႏထာꩻနဝ်ꩻ ဟဝ်နေဟောင်း...? သဲင်ꩻထွာလိုꩻယိုတတန်ꩻတဝ်း နုဲင်းမန်းငဝ်း “လူဖြစ်ရကျိုးမနပ်ဘူး”နဝ်ꩻမꩻ သꩻယို အဝ်ႏလိုႏအွꩻဉ်ႏပျောႏပျောႏ အွဉ်ႏသျင်သျင် မꩻ နီဖဝ သာႏယာႏလွဉ်သွူ...။

၈ ။ ထာꩻပယွုမ်း
       ထာꩻပယွုမ်းယိုနဝ်ꩻ သꩻဆင်ꩻရယ်ꩻသားတာႏ သꩻချံꩻသာႏအီသွူ ၊ အာႏပေႏသားတဲ့ အာႏအဝ်ႏအီသွူ ၊ သꩻယပ်ထာꩻသားတဲ့ ပြေႏအီ ၊ ကပယွုမ်းသားနဝ်ꩻ တလို့တဝ်းတမုဲင်ꩻမုဲင်ꩻရိုꩻကီလဲ့ ...ပယွုမ်းကခံႏဗာႏသားနဝ်ꩻ လꩻအာမွေးအကျိုꩻသွူ...
နဝ်ꩻမꩻအဝ်ႏလိုႏပယွုမ်းသွော့ဝင်ꩻ...ထာꩻပယွုမ်းယို တွမ်ႏတအီ (ဆေ့ꩻနဲ့ꩻ)မွိုန်း...အဝ်ႏသွိုန်းကိုသꩻကို သဘာဝကျကျပယွုမ်းနယ်သွော့နေား...။

၉ ။ မာꩻခရာႏထာꩻမာꩻမဉ်ꩻအဝ်ႏမာꩻထွူထွူ
       “Do it now” ငဝ်းအတွိုင်ꩻ ထာꩻမာꩻယိုတွိုႏမွူးဟာမꩻ မွူးရဝ်ꩻမꩻ မာꩻနေးနဝ်ꩻနဝ်ꩻ တွမ်ႏထွို့ꩻမွိုန်းအခိန်ႏ ....ထာꩻမာꩻကိစ္စမဉ်ႏထွူထိုꩻနဝ်ꩻ သꩻချံꩻသာႏတဝ်းနယ်.သꩻတဲ့ပျောႏဒျာႏသွူ..။

၁၀ ။ ဖဝယိုမာꩻခန်းတမုဲင်ꩻမာꩻ မာꩻဒျာႏတွမ်ႏအဟဝ်သွတ်ꩻ

“Do a thing at once , then you'll have power” နဝ်ꩻအတွိုင်ꩻ ပဆျူႏခန်းခွမ်ꩻလာꩻတယဝ်း ပဆျူႏဟဝ်ဟဝ် ပဆျူႏကြောင်းကြောင်း ပဆျူႏစင်စင် ဖွစ်ꩻထာꩻအီႏတဲ့ ဖွစ်ꩻကြောင်းကြောင်း ဖွစ်ꩻစင်စင် မာꩻဖေႏခန်းဝင်ထာꩻမာꩻအမျိုꩻမုဲင်ꩻမုဲင်ꩻယဝ်း တွမ်ႏမေတ္တာႏ ၊ တွမ်ႏစေႏတနာႏဗွာဗွာ အဟဝ်သွတ်ꩻ တဗာႏမာꩻဖေႏနေား.. နီမေတ္တာႏ နီစေႏတနာႏ ယိုတနီꩻတဝ်တနီꩻ အကျိုꩻဖေႏလွဉ်ဒျာႏသွူ...။

တယ်ႏအမုဲင် တာ ဗꩻတွိုႏ အမုဲင် တဆီ ယိုအတွိုင်ꩻ မဉ်ႏလွောက်ꩻနာႏလွေꩻဒျာႏနဝ်ꩻ နီဖဝတညတဝ်းအခိန်ႏ တိုꩻတက်အောင်ႏမျင်ႏလွဉ်ဗာႏအမန်းသွူ..။

အမာႏမဉ်ႏပါတဲ့ခွင်ꩻလွစ်သွော့
ကေꩻဇူꩻတန်ငါႏသွူဪ🙏🙏🙏

#ခွန်ခမ်းခွꩻ(ဒုံကောင်ထို)
၂၁-၉-၂၀၁၉