"အရေꩻတန်သွတ်ꩻနဝ်ꩻနီနမ်းကျင်ꩻသိက္ခာႏ"
တနီꩻခွဲးချာခန်းဒျာႏသွꩻပေႏဟဝ်တဖြာꩻ
ဝွေꩻမဥ်ꩻနဝ်ꩻ မောင်ႏမောင်ႏ
အုံမွန်းဒေါ့ꩻရီခန်းဝင်ꩻလမ်းကို ရီခန်းဝင်ꩻ ထာꩻ မာꩻအဆင်ႏပြေႏနေႏ နေႏယိုနေႏနဝ်ꩻ
မောင်ႏမောင်ႏရီလွဥ်ခန်းခွေနုဲင်းယို..
"လိုꩻတဖဝအကိုအရေꩻတန်သွတ်ꩻ အဝ်ႏလိုႏ ထိန်ꩻသိမ်ꩻငါႏနဝ်ꩻအဝ်ႏတမုဲင်ꩻ" ရီစွော့ꩻခန်းခွေ
ခွေရိုꩻတဝ်းဒွိုန်းမုဲင်ꩻမုဲင်ꩻ ခွေငပယွုမ်းနယ်ဗော့ꩻဝွေꩻ ငဝ်းနဝ်ꩻတငွါနဝ်ꩻ နီအဝ်ႏတန်ꩻဆီတွင်ꩻ ဆရာႏရီလွဥ်နီနဝ်ꩻ ဗွိုန်ဗွိုန်ဝင်ꩻနဝ်ꩻသွူ။ မောင်ႏမောင်ႏအရီနဝ်ꩻ ခွေအတာႏအဖြေႏယို ယိုꩻလွုမ်သွူ။
ခွေ ။ ။"နမ်းကျင်ꩻသိက္ခာႏ"
မောင်ႏ။ ။မွော့မဲဥ်ႏငါႏနဝ်ꩻအီ..နာꩻအဖြေႏယိုတဗာႏ
နာꩻသေလွဥ်မုဲင်ꩻတန်နဝ်ꩻ.
ခွေ။ ။"အဝ်ႏတန်ꩻဆီခိန်ႏ ဆရာႏသွဥ်သွူ လိတ်နဝ်ꩻဆရာႏဆင်ႏဆင်ႏဝွေႏဒေါ့ꩻနဝ်ꩻဟွေး
မောင်ႏ။ ။နာꩻကရိုꩻနဝ်ꩻမွေးဒျာႏ ကွဲတော့ꩻ အဝ်ႏလိုႏဒွိုန်း၊ ဆရာႏနဝ်ꩻအသွဥ်လိတ်လွုမ် တမွေးတဝ်းနဝ်ꩻအီ။
ခွေ။ ။သွဥ်တဝ်းလိတ်ကသွဥ်တမုဲင်ꩻဟောင်း😡😡😡
မောင်ႏ။ ။သွဥ်ပညာႏနဝ်ꩻသွူ။ ကျောင်ꩻကိုဆ ရာႏကသွဥ်ဖေႏနာꩻနဝ်ꩻပညာႏဒျာႏသွူ။ ဒါႏ လိတ်တမျိုꩻလွုမ်တော့ꩻသွဥ်နဝ်ꩻတမွေးတဝ်း ကလွေꩻဒျာႏကျောင်ꩻ နုဲင်းကျောင်ꩻသားပေႏ ဖုံႏယို သꩻဖော်တပေါက်တဝ်း၊ ထွူတကာႏ
တဝ်းအမွိုးဖါဖုံႏလဲ့သꩻဖော်တဗွောင်တဝ်းသွူ
သꩻထန်ႏမန်ႏမန်ႏငါပါꩻနဝ်ꩻ ကျောင်ꩻကိုနုဲင်းယို ခါဝင်ꩻကသွဥ်လိတ်နဝ်ꩻ ဝင်ꩻဟဲ့အယိုꩻနေးဒျာႏ နီဖုံႏဗꩻတွိုႏဟန်ႏနီꩻ အဝ်ႏဟဲ့လီꩻလီꩻဒျာႏလိတ် သွဥ်ကျောင်ꩻ(အိန်ကျောင်း)မွေးတဝ်းနဲ့..
ပညာႏသွဥ်ကျောင်ꩻနဝ်ꩻစောင်းဟဲ့နဲ့..
ခွေ။ ။မွေးဒျာႏ နုဲင်းခေတ်ယိုခါပေါ်ဒါႏလိတ် တဲ့ ပညာႏဒါႏလဲဥ်းအရိုꩻနဝ်ꩻစားနဝ်ꩻအာတန် သွူ။ နဝ်ꩻတဲ့မဲဥ်ႏဒျာႏနေနေ
"ထာꩻလိန်ႏမာႏအဝ်ႏလိတ်ကို"
ဝင်ꩻကရိုꩻငဝ်းလဲင်အဝ်ႏနဝ်ꩻဟွေး...😝
မောင်ႏ။ ။ထာꩻလိန်ႏမာꩻယိုအဝ်ႏလိတ်ကိုလွုမ် နဝ်ꩻလꩻတဝ်းသွူ။ မိဥ်ႏအဝ်းဒွိုန်ႏကနီသွိုႏထီ ကိုမꩻလꩻသွူ။ နဝ်ꩻမꩻကျောင်ꩻကိုယို ဆရာႏ ရဟန်ႏနဝ်ꩻဝွေꩻသီးကသေဒျာႏထာꩻသေ၊ ဝွေꩻ သီးကမော့ꩻခွဲး၊ကျူံႏခွဲးဗာႏအယပ်အခုဲင်ႏဖုံႏ၊ ဝွေꩻသီးကဖတ်ထွားဟော်ꩻခါဒါႏ လိတ်ဖုံႏကား ကအဝ်ႏနဝ်ꩻ ကျောင်ꩻသားပေႏဖုံႏယိုဝွေꩻဒေါ့ꩻ နယ်၊ ခြဲင်းနယ်ယင်းသွူ။
ခွေ။ ။အွူ..ခွေဆရာႏလဲ့ထွားဟော်ꩻမွေးစွဥ်ႏ
လိတ်သွူ။အော... ဆရာႏဒေါ့ꩻနယ်ခြဲင်းနယ် နီအကျောင်ꩻခရာႏယူႏလꩻတွော့ꩻ ခွေမိဥ်ခြဲင်း နယ်ငါႏနာꩻ
မောင်ႏ။ ။နာꩻဆရာႏခြဲင်းနယ်နေးမုဲင်ꩻတန်ဟောင်း ဒေါ့ꩻနယ်စမ်ꩻမွိုင် ခွေတဲ့မိဥ်သေနေနေ
ခွေတဲ့နီဆရာႏကဒေါ့ꩻအတွိုင်ꩻခြဲင်းနယ်ခန်း ဒျာႏမောင်ႏမောင်ႏနဝ်ꩻသွူ
ဆရာႏ။ ။ အွိုးခေတ်ကရီးခါနဝ်ꩻသဌေꩻတန် အဝ်ႏတဖြာꩻသွူ။ ဝွေꩻနဝ်ꩻဆေ့နဲ့ꩻမွေးစွဥ်ႏ ထာꩻ(တအီမွေးစွဥ်ႏထာꩻ) ဝွေꩻနဝ်ꩻအပိုခိုအ ရွယ်ႏထွိုင်ႏတွိုႏလွဥ်တော့ꩻ
အရိုꩻခန်းအပိုနုဲင်းယို "ယိုပိုခို နာꩻတဲ့တန်လဲဥ်း ထုမ်ႏစီꩻပွါꩻခိန်ႏ လဲ့ꩻတွိုႏလဲဥ်းသွူ။ "
"မွေးဖါ"
"နာꩻရွဥ်ခံꩻဥစ္စာႏယိုလꩻလꩻထုမ်ႏဗာႏ၊ လောကလိုꩻခမ်းနဝ်ꩻရွဥ်ခံꩻဥစ္စာႏယိုအရေꩻ
တန်သွတ်ꩻသွူ။ ပိုခိုအနေႏရွဥ်ခံꩻဥစ္စာႏဖေႏနေးကလꩻနဝ်ꩻ တွမ်ႏတဖူꩻမဲဥ်ႏမဲဥ်ႏအနည်မဲဥ်ႏမဲဥ်ႏထုမ်ႏကျံႏ ဗာႏနဝ်ꩻသွူ တွမ်ႏအနည်မဲဥ်ႏမဲဥ်ႏမိဥ်ႏတလꩻ
တဝ်းနဝ်ꩻထုမ်ႏဗာႏတွမ်ႏထာꩻတရာꩻတဝ်း
နည်သွူ။ "
ဆရာႏ။ ။တပဲ့ꩻဖုံႏ နဝ်ꩻနဝ်ꩻအမဲဥ်ႏနေး"
နီအခန်ꩻကိုကျောင်ꩻသားယဟန်ႏနဝ်ꩻ
အရိုꩻမဲဥ်ႏ ၊ ယဟန်ႏနဝ်ꩻအရိုꩻမာႏ၊ ဆရာႏနဝ်ꩻထွားသွူ ကျောင်ꩻသားဖုံႏတော့ꩻ ငပယွုမ်းဗော့ꩻထာꩻ။
တပဲ့ꩻဖုံႏ သီဖေႏကယူႏဒါႏ၊ စဥ်စာꩻဖေႏကဒါႏ နဝ်ꩻဆရာႏဒေါ့ꩻနယ်သီဒျာႏ။ သဌေꩻကရိုꩻငဝ်း နဝ်ꩻဟွဥ်ႏနဝ်ꩻအမာႏဒျာႏသွူ။ ဖေႏနေးကလꩻ ရွဥ်ခံꩻဥစ္စာႏနဝ်ꩻ တွမ်ႏအနည်တဖူꩻတမဲဥ်ႏတဝ်း တော့ꩻထုမ်ႏနဝ်ꩻတလꩻတဝ်းသွူ။ တွမ်ႏတဖူꩻ အနည်တမဲဥ်ႏတဝ်း လိုꩻကထုမ်ႏဒျာႏရွဥ်ခံꩻ ဥစ္စာႏနဝ်ꩻ ဝွေꩻသီးတွိုႏစွဥ်ႏထောင်ႏလွဥ်းလွဥ်း မွေးတဝ်းနဲ့ ထွာမွိုင်ထောင်ႏကိုသွူ အမာꩻ ထာꩻတဟဝ်တဝ်းသားလွဥ်းလွဥ်းမွေးတဝ်းနဲ့
မောင်ႏ။ ။နဝ်ꩻကထုမ်ႏရွဥ်ခံꩻဥစ္စာႏနဝ်ꩻ ထုမ်ႏ ဗာႏစွဥ်ႏတရာꩻမဲဥ်ႏမဲဥ်ႏချယ်ရိုးနာꩻဆရာႏ ကရိုꩻနဝ်ꩻ။
ခွေ။ ။မွေး.ဆရာႏနဝ်ꩻအဆွုံꩻမꩻဗော့ꩻနီနေး နဝ်ꩻလွုမ်က။
မောင်ႏ။ ။လောကခမ်းကိုယို တွမ်ႏထာꩻတရာꩻ တဝ်းမျိုꩻတဝ်း ထုမ်ႏသွူစီꩻပွာꩻတွော့ꩻ သဌေꩻ ချံꩻသာႏထာꩻသားလဲ့အဝ်ႏအာတန်မွေးတဝ်းနဲ့
ခွေ။ ။ဆရာႏနဝ်ꩻအဖေႏအကျောင်ꩻပျꩻချက်နီဗာႏသွူ။
မောင်ႏ။ ။ဒေါ့ꩻစမ်ꩻမွိုင်
ခွေ။ ။ပဌမအချက်နဝ်ꩻ တွမ်ႏအနည်တဖူꩻမဲဥ်ႏမဲဥ်ႏတွော့ꩻထုမ်းစီꩻပွာꩻ
နုဲင်းနာꩻကရိုꩻတရာꩻသꩻ ဖော်နဝ်ꩻသွူ။ ဒုတိယအချက်နဝ်ꩻ လောကခမ်းအကို
ကအဝ်ႏဒျာႏလိုꩻမနုသာႏဖုံႏယိုနဝ်ꩻတဖြာꩻ
တွမ်ႏတဖြာꩻကူႏညီႏဝင်ꩻနဝ်ꩻသွူ။
ခွေ။။နီဆရာႏရီလင်ꩻယင်းခန်းကျောင်ꩻသား မောင်ႏဒွီႏနဝ်ꩻသွူ။
ဆရာႏ။ ။ယိုမောင်ႏဒွီႏ သီလုဲင်းနဝ်ꩻပိုမုဲင်ꩻ လွုပ်ဖေႏ။
ဒွီႏ။ ။နီဖြာꩻလွုပ်
ဆရာႏ။ ။သီဖါတဖြာꩻလွုမ်ꩻနယ်
ဒွီႏ။ ။မွေးတဝ်းထာꩻမာꩻသားလဲ့အဝ်ႏ
ဆရာႏ။ ။ထာꩻမာꩻသားအတာႏသီမာꩻဖေႏ ဗာႏယင်းတမုဲင်ꩻ
ဒွီႏ။ ။လွူးဗာႏဒဲဥ်၊ ဗေင်ႏခင်ႏလမ်းလဲ့ဖေႏဗာႏ ရလဲင်ႏလဲင်ႏဝွေꩻသီးမိဥ်ႏလိုႏဆဲင်ꩻခွမ်ꩻလာꩻလဲ့ ဖြေꩻဖေႏဗာႏ ဗွူဖုံႏမိဥ်ႏလꩻခိန်ႏလဲ့ ဖေႏဗာႏကဗွူ။
ဆရာႏ။ ။ ဗွူလꩻခိန်ႏ ထာꩻ ထာꩻမာꩻသားတ ဖြာꩻစာတခွန်ꩻခန်းမွိုင်ဗွူနဝ်ꩻအီႏမာꩻ
နေးမုဲင်ꩻဟောင်း
ဒွီႏ။ ။မိဥ်ႏသေတဲ့ဆွမ်ꩻစွဥ်ႏဝွေꩻသွူ။ မိဥ်ႏထွူ အွဥ်ႏခမ်ချုပ်၊အွဥ်ႏခမ်ထောင်ႏသွူ
ဆရာႏ။ ။အဝ်ႏထောင်ႏမိဥ်ႏထန်ႏနဝ်ꩻ ပါꩻဟဲ့ ဝွေꩻသားအဝ်ႏနေးဒွုမ်
ဒွီႏ။ ။အဝ်ႏတဝ်းဒွုမ်
ဆရာႏ။ ။နဝ်ꩻမꩻပေါ်မာꩻထာꩻတဟဝ်တဝ်း နဝ်ꩻအကျိုꩻတရာꩻတအဲဥ်ထဝ်းတွော့ꩻ ဆရာႏဒေါ့ꩻနယ်သီဖုံႏဒျာႏ။
ဒွီႏ။ ။"တရိုႏသာႏတဝ်းလိုꩻနဝ်ꩻစားကာအယ်"
ဆရာႏ။ ။ဝွေꩻသီတဲ့တွမ်ႏအခေႏအနေႏ တဗာႏတွော့ꩻချံꩻသာႏလွဥ်တဲ့အဝ်ႏနေနေသွူ
ကွဲတွော့ꩻစီꩻပွာꩻဖုံႏယို ရိုႏရိုႏသာႏသာႏထုမ်ႏ အဝ်ႏလꩻဒျာႏမွော့ ထွာတမုဲင်ꩻရိုႏရိုႏသာႏသာႏ ထုမ်ႏတဝ်းဟောင်း..ထာꩻရိုႏသာႏဂုဏ်ႏယို " သိက္ခာႏ"သွူ
မောင်ႏ။ ။အွူ နာꩻဆရာႏမွော့ သိက္ခာႏဖေႏ နေးကအဝ်ႏနဝ်ꩻ ဒေါ့ꩻနယ်အာတန်အီ...
ခွေ။ ။မွေးရင်ꩻသွူ...ဆရာႏနဝ်ꩻလိုꩻတွိုင်ꩻ
စွုမ်ႏဖြာꩻစွုမ်ႏဖြာꩻသိက္ခာႏမိဥ်ႏအဝ်ႏဒျာႏနဝ်ꩻ ကမ္ဘာႏတဖြုံႏလွုမ်းယို တိုꩻတက်ထာꩻတခွိုန်းယိုကာႏတဝ်းတဲ့..
မောင်ႏ။ ။မွေးရင်ꩻ
ခွေ။ ။ဆရာႏနဝ်ꩻအရိုꩻခန်းငဝ်းနုဲင်းယို မိဥ်ႏမဲဥ်ကူႏညီႏတဝ်းလဲ့တွမ်ႏနောက်သျက်
မွိုန်းတဲ့ ငဝ်းနဝ်ꩻတငွါခွေသꩻဖော်ꩻကျမွေး
ဆရာႏကရိုꩻဖေႏဒျာႏနီနဝ်ꩻ လောကခမ်းကိုယို "ထိန်ꩻသိမ်ꩻသွော့ဝင်ꩻ
သိက္ခာႏနော"တဲ့ငဝ်းနဝ်ꩻတငွါနဝ်ꩻခွေဗꩻတွိုႏစွဥ်ႏယိုခါဆရာႏကေꩻဇူꩻယိုအွဥ်ႏဖေင်ꩻနွောင်ꩻတဝ်းသွူ။
မောင်ႏ။ ။နာꩻဆရာႏမွော့ ထာꩻသေထာꩻဒါႏ ပညာႏတန်မွေးအီ..ကွဲတွော့ꩻလိုꩻယိုနဝ်ꩻ တရိုႏသာႏတဝ်းတွော့ꩻထုမ်ႏစီꩻပွာꩻနဝ်ꩻအဝ်ႏကဒျာႏမွေးတဝ်းနဲ့..
ခွေ။ ။မွေး အခိန်ႏမုဲင်ꩻ ခင်ႏလမ်းမုဲင်ꩻမုဲင်ꩻတ ယဝ်း လိုꩻနဝ်ꩻစားနဝ်ꩻအဝ်ႏလွဥ်ႏလွဥ်ႏသွူ နဝ်ꩻစားနဝ်ꩻ အွဥ်ႏရေꩻမွိုန်းတွော့ꩻနီနမ်းဂုဏ်ႏသိက္ခာႏယိုထိန်သိမ်ꩻချာနဝ်ꩻအရေꩻတန်ငါႏ နဝ်ꩻသွူ။
ခွေသွဥ်းကရိုꩻနဝ်ꩻ လိုꩻတွိုင်ꩻစွုမ်ႏဖြာꩻယို
သိက္ခာႏအဝ်ႏလွဥ်ႏလွဥ်ႏ နီနမ်းကျင်ꩻ
တရာꩻလဲ့အဝ်ႏလိုႏ အဝ်ႏသွူ။
လိုꩻယဟန်ႏနဝ်ꩻအထိန်နွောင်ꩻတောဝ်း
သိက္ခာႏတွော့ꩻ အသွုမ်ထိုꩻလဲ့အဝ်ႏသွူ။ နဝ်ꩻမꩻနီတဖဝတစိုး သက်လွုမ်း ဖေႏဆပ်စွဥ်ႏလဲ့တကေႏနွောင်ꩻ တဝ်းနဝ်ꩻသွူ
နဝ်ꩻမꩻနီနမ်းကျင်ꩻသိက္ခာႏယိုထိန်သိမ်ꩻသွော့ ဝင်ꩻနော...
ကေꩻဇူꩻတန်ငါႏသွူဩ..
အမာႏမိဥ်ႏပါလဲ့ခွင်ꩻလွစ်သွော့..
#ခွန်ခမ်းခွ(ဒုံကောင်)
30-6-2019
No comments:
Post a Comment