"လိုꩻတွိုင်ꩻစွုမ်ႏဖြာႏမွော့ꩻ ထွာတမုဲင်ꩻတပျောႏနွောင်ꩻတဝ်း"

လိုꩻယဟန်ႏနဝ်ꩻအဝ်ႏကရိုးပေါ်ထီႏသွူဝွေꩻသီး လွိုးနဝ်ꩻထာꩻပျောႏသွင်ႏခရာႏယို တအဝ်ႏတဝ်းမဲ့ဖြုံႏလဲ့အရောင်ႏတအဲဥ်
ထဝ်း ထာꩻငထာꩻပ ယွုမ်းလဲ့ဆေ့ꩻ၊ အဝ်ႏဒေါ့ꩻဗော့ꩻဝင်ꩻမဥ်ꩻ ၊ထာꩻယူႏထာꩻစိက္ကူလဲ့ဆေ့ꩻ၊ လွꩻ၊ ထာꩻမာꩻပေႏပေႏဝွေႏလွုမ်တဲ့ထုမ်ႏသေႏသေႏတွမ်ႏပြဿနာႏ ၊ဝင်ꩻဟဝ်နဲ့ဟဝ်တဝ်းနဲ့နဝ်ꩻတွမ်ႏယူႏရီးမွိုန်း၊ နီနမ်းယိုလိုꩻဟဝ်နဲ့ဟဝ်တဝ်းနဲ့နဝ်ꩻယူႏချာရီးသွော့မွိုင်.....

လိုꩻဖုံႏယိုနဝ်ꩻ အထျꩻနဝ်ꩻအဝ်ႏဒျာႏ "သꩻ" သွူ။..သꩻမိဥ်ႏပျောႏသွင်ႏလဲ့နမ်းယိုပျောႏ
သွင်ႏ၊ သꩻယိုမိဥ်ႏတပျောႏတဝ်းလဲ့ နီလွိုးယိုတရေꩻတဝ်းသွူ။ ပါꩻယိုတဖြာꩻပျောႏနဲ့ပျောႏတဝ်းနဲ့နဝ်ꩻထွားငါဝွေꩻလောင်ႏလွိုးငါတဲ့သေနွောင်ꩻနဝ်ꩻသွူ။

"လိုꩻမွော့ထွာတမုဲင်ꩻပျောႏနွောင်ꩻတဝ်း" အရီယိုတဗာႏနဝ်ꩻနီနမ်းတွမ်ႏနီနမ်းဆင်ႏ
ဆင်ႏရီချာဖိုဒျာႏမွေးတဝ်းနဲ့...

 လိုꩻတပျောႏနွောင်ꩻတဝ်းအကျောင်ꩻခရာႏ
နဝ်ꩻ အဝ်ႏ(၃)ချက်

၁။ ဝင်ꩻယူႏနီနေးမုဲင်ꩻနဝ်ꩻ နီနန်းလွဥ်ꩻငါႏ

၂။ တွိုႏပစ္စပ္ပုန်ႏနဝ်ꩻတအုံတဝ်း၊      ယူႏချာဗော့ꩻအတိတ်၊ မိဥ်ႏတမွေးတဝ်းလဲ့ ယူႏရီးလွဥ်ꩻငါႏအနာႏဂါတ်

၃။ တနာႏလိုႏတဝ်းသꩻ

၁။ ဝင်ꩻယူႏနီနေးမုဲင်ꩻနဝ်ꩻနီနန်းလွဥ်ꩻငါႏ

တဲက်ဆဲင်ႏဒျာႏတွမ်ႏနီမွော့ ဝင်ꩻလိုꩻလင်ထီႏ နေးမုဲင်ꩻ၊ ယူႏနေးမုဲင်ꩻနဝ်ꩻ နီအွဥ်ကႏရေꩻလွဥ်ꩻ ငါႏ နဝ်ꩻမꩻ ထာꩻပျောႏသွင်ႏမုꩻယိုအဲဥ်ထဝ်း သွူ ထွာတမုဲင်ꩻနဲးတွော့ꩻဝင်ꩻဖေႏနေးက ကျွိုက်နဝ်ꩻနီယိုအုံလွဥ်ꩻဗာႏမွေးတဝ်းနဲ့...

နီအကျောင်ꩻယိုဝင်ꩻယူႏနေးမုဲင်ꩻ၊ခွေမာꩻနေး ယို ခွေအီႏဒေါ့ꩻနေးယိုဖုံႏနဝ်ꩻ ဝင်ꩻအီႏထင်ႏ ခွေနေးမုဲင်ꩻ၊ ဝင်ꩻအီႏဒေါ့ꩻလွဥ်ꩻခွေနေးမုဲင်ꩻ အဝ်ႏယူႏဗော့ꩻနဝ်ꩻစားဖုံးနဝ်ꩻ နီထာꩻပျောႏ သွင်ႏခိန်ႏယို ယူႏခိန်ႏအဝ်ႏနေဟောင်း...ထာꩻ
မာꩻပေႏ၊ ထာꩻမာꩻတန်တရိုꩻတဝ်း မွူးဟာ မွူးရဝ်ꩻကအဝ်ႏမာꩻဒါႏထာꩻမာꩻဖုံႏယို နီမိဥ်ႏ
မာꩻနဝ်ꩻဝင်ꩻအီႏဒေါ့ꩻနီ၊ ဝင်ꩻအီႏထင်ႏနီနေး မုဲင်ꩻနီအဝ်ႏယူႏဗော့ꩻအကျောင်ꩻခရာႏနဝ်ꩻတ
ဗာႏလွုမ်တော့ꩻ နီနမ်းတွမ်ႏနီနမ်းယို အုံထာꩻ တပျောႏနွောင်ꩻတဝ်းသွူ။

လွေꩻခန်းဆေꩻ၊ လွေꩻခန်းပွယ်ꩻတရိုꩻတဝ်း၊ ထင်ႏခန်းကျောင်ꩻကံႏတရိုꩻတဝ်း၊လွိုက်ခန်း သွူမွိုင်ခွမ်ꩻလာꩻနဝ်ꩻ နီနမ်းကျွိုက်နဝ်ꩻ လွိုက်နဝ်ꩻတလꩻတဝ်းထွာတမုဲင်ꩻတဲင်ခွေ
မိဥ်ႏကꩻ ယိုတစုံႏနဝ်ꩻ ဝင်ꩻအီႏရိုꩻခွေနေးမုဲင်ꩻ ဝင်ꩻအီႏဒေါ့ꩻခွေနေးမုဲင်ꩻမိဥ်ႏကꩻလွဥ်ခန်းရိုꩻကီလဲ့ꩻ ဝင်ꩻလောင်းလင်ယို အီးသဲ့ꩻသွမ်ခွေ ဝင်ꩻအီႏဒေါ့ꩻခွေဝင်ꩻမိဥ်ႏရိုꩻခန်းနေးနဝ်ꩻတဲ့
ဗွိုန်စွဥ်ႏ လိုꩻအွူꩻအꩻ၊ ခွေမိဥ်ႏမာꩻနေးယိုနဝ်ꩻ ဝင်ꩻယိုအီႏထင်ႏပေႏခွေစတဲင်ဖုံႏနဝ်ꩻနီနန်းလွဥ်ꩻငါႏဒျာႏ....

နီသꩻယိုနီပဲင်ႏဒျာႏသွူ
နီမိဥ်ႏတပဲင်ႏတဝ်းနဝ်ꩻထွာဒျာႏဝင်ꩻကူႏလီႏ ဝင်ꩻသွဥ်းသယ်ႏသွူ ဖဝယိုဒွေါင်ႏငါႏ အခိန်ႏ မုဲင်ꩻထွာလွဥ်တမုဲင်ꩻနဝ်ꩻနီတသေရီးတဝ်းနီ
နမ်းတွမ်ႏနီနမ်းကမာꩻနွောင်ꩻချာနဝ်ꩻနီဖဝယိုနီကျွိုက်သꩻနီဖန်ဆင်ချာနဝ်ꩻအဟဝ်
သွတ်ꩻသွူ.....

နီအလောင်းယိုဝင်ꩻမိဥ်ယူႏနေးမုဲင်ꩻယူႏ၊ ဝင်ꩻ ထင်ႏခန်းနီနေးမုဲင်ꩻထင်ႏ နီအွဥ်ႏရေꩻခရာႏ လိုႏနေဟောင်း နီနမ်းယိုဝင်ꩻသွဥ်ႏသယ်ႏလဲ့ မမွေး၊ ဝင်ꩻကူႏလီႏလဲ့မမွေး၊ ဝွေႏသီးဖေႏ နေးကကျွိုက်နဝ်ꩻနီအုံလွဥ်ꩻခရာႏလိုႏတဝ်းသွူနီကျွိုက်သꩻခွမ်ꩻလာꩻယိုနီကꩻဗာႏတဝ်း
နဝ်ꩻနီနမ်းယိုဝွေꩻသီးပဲင်ႏနယ်..နီနမ်းယိုဝွေꩻသီးအတာႏ လိုꩻပေႏ ထာꩻခွုမ်ပစိုးလဲ့မမွေး ၊ နီသꩻယိုနီပဲင်ႏ...နဝ်ꩻ မꩻတွမ်ႏဝင်ꩻသꩻတော့ꩻ နီသက်မွန်ဗန်အီဗာႏနဝ်ꩻပျောႏခရာႏစောင်းဟဝ်နဲ့....

၂။ တွိုႏပစ္စုပ္ပန်ႏတအုံတဝ်း၊ ယူချာဗော့ꩻအ တိတ်လီꩻ၊ မိဥ်ႏတမွေးတဝ်းလဲ့ꩻယူႏရီးလွဥ်ꩻ ငါႏအနာႏဂါတ်

ကထွူထိုꩻလဲဥ်းထာꩻမာꩻမဟာနီꩻနဝ်ꩻ နီဖန် ဆင်ယင်း အတသာတလꩻတဝ်း၊ တတွိုႏ လွဥ်တဝ်းဒွိုန်းမွူးရဝ်ꩻနီꩻလဲ့နီသꩻခိုႏလျားခရာႏတလိုႏတဝ်း၊ နီကပဲင်ႏဆဲင်ႏဒျာႏအခိန်ႏ နဝ်ꩻ အဝ်ႏပစ္စုပ္ပန်ႏယိုခါတွင်ꩻလွုမ်သွူ။ ဟန်ႏ နီꩻအတာႏနီကမာꩻထာꩻမာꩻအဟဝ်အကုဲင် နဝ်ꩻနီပဲင်ႏသွူ...နီမိဥ်ႏမာꩻဒျာႏအဟဝ်လဲ့ꩻလꩻ အဟဝ်၊ နီမိဥ်ႏမာꩻဒျာႏအကုဲင်လဲ့လꩻအကုဲင် သွူ။ နီတပဲင်ႏတဝ်းဒွုမ်အတိတ်၊ နီတဆဲင်ႏ တဝ်းဒွိုန်းအနာႏဂါတ်ယို ယူႏလွဥ်ꩻငါႏမꩻ နီထာꩻပျောႏသွင်ႏခရာႏယိုအဝ်ႏတဝ်းသွူ။ လိုꩻတစွꩻနွောင်ꩻတဝ်းအတိတ်နဝ်ꩻ ထာꩻ နောင်ႏတတရာꩻနိုပ်စက်မုꩻယိုခံႏဗာႏကသွူ

လိုꩻကယူႏရီးလုဲင်ႏအနာႏဂါတ်သားနဝ်ꩻ သꩻထာꩻနန်း၊သꩻခိုႏလျားမုꩻယိုခံႏဗာႏကသွူ...လိုꩻယိုနီမျိုꩻ နဝ်ꩻခိန်ႏခါႏကာလပစ္စုပ္ပန်ႏယိုခါတွင်ꩻ တပျောႏနွောင်ꩻတဝ်းနဝ်ꩻ ထူဆန်ꩻငါႏ တမွေးတဝ်းသွူ။

၃။ တနာႏလိုႏတဝ်းသꩻ

ဝင်ꩻလိုꩻလင်အောင်ႏမျင်ႏထာꩻနဝ်ꩻ သꩻရေꩻ ကို ပျောႏသွင်ႏညီကို "မုဒိတာ"သꩻယိုလိုꩻ တွိုင်ꩻစွုမ်ႏဖြာꩻတအဲဥ်ထဝ်းသွူ နီလမ်း သောင်လမ်းရင်ꩻသား ကအောင်ႏမျင်ႏထာꩻ နဝ်ꩻတကေးခရာႏလိုႏနေဟောင်း တွိုႏယို နဝ်ꩻထီႏတကေးဒျာႏဝင်ꩻတဲ့ ထီႏလိုꩻနဝ်ꩻစား နဝ်ꩻသꩻဆင်ရယ်ခရာႏတန်သွူ။

"နျꩻဖွိုႏဝင်ꩻနဝ်ꩻ နီနမ်းတွမ်ႏနီနမ်းယိုလင်ꩻ ဗာႏချာအဖွိုႏ"သွူ  ဝင်ꩻကအောင်ႏမျင်ႏယို နီနမ်းကဲအောင်ႏမျင်ႏနွောင်ꩻတဝ်းနဲ့ ဖဝယို ထာꩻခွုမ်ပစိုးပွယ်ꩻတမွေးတဝ်း ၊ဝင်ꩻနွောင်ꩻ နီသွုမ်ထွာခရာႏတလိုႏတဝ်း ကွဲတွော့ꩻလိုꩻ ကဲဥ်းအာအာနဝ်ꩻ ဝင်ꩻလိုꩻလင်အောင်ႏမျင်ႏ သွူ၊ ပျောႏသွင်ႏသွူ၊ အဆင်ႏပြေႏသွူဖုံႏ
နဝ်ꩻ ထီႏတကေးသွူဝင်ꩻ တနာႏလိုႏတဝ်သွူ ဝင်ꩻ ၊ကထီႏတကေးဒါႏဒျာႏဝင်ꩻနဝ်ꩻစားနဝ်ꩻ ထွာဒျာႏနီနမ်းသွုမ်သွူ။ ထီႏသွူဝင်ꩻလိုꩻ လင်အောင်ႏမျင်ႏတွော့ꩻ နီနမ်းတွမ်ႏနီနမ်း သွုမ်လဲဥ်းကယူႏဒါႏ ၊ ကခံႏစာꩻဒျာႏလိုꩻနဝ်ꩻ စားနဝ်ꩻ၊ အုံထာꩻပျောႏနွောင်ꩻနေဟောင်း....
နီနမ်းတွမ်ႏနီနမ်းထဲ့သွုမ်မိဥ်ႏတဲ့တမွေးတဝ်း ထီႏဝင်ꩻအောင်ႏမျင်ႏတော့ꩻနီအတာႏထွာအ နောက်အသျက်စောင်းမွေးနဲ့ မိဥ်ႏယူႏဒျာႏ နဝ်ꩻစားနဝ်ꩻနီဖဝယိုအီႏသာႏယာႏနွောင်ꩻ နေဒွုမ်ဟောင်းအယ်။...

ပေါ်သေလဲဥ်းထာꩻတပျောႏတဝ်းအ
ကျောင်ꩻခရာႏဖုံႏယိုနဝ်ꩻဖေႏနေးကပျောႏ
သွင်ႏနဝ်ꩻနီဖန်ဆင်ဗာႏသွူ။

(၁) နီအလောင်းဝင်ꩻလိုꩻလင်ထင်းနေးမုဲင်ꩻ၊ ယူႏနေးမုဲင်ꩻ စတဲင်ဖုံႏနဝ်ꩻနီထာꩻယူႏအကို ပယ်ႏထန်ႏထိုꩻဗာႏသွူ။ ဝင်ꩻမိဥ်ယူႏယူႏနီ အွဥ်ႏရေꩻခရာႏတလိုႏတဝ်းနဝ်ꩻသွူ။...

(၂) ယူႏလွဥ်ꩻငါႏအတိတ်လီꩻ၊ ယူႏရီးငါႏအ နာႏဂါတ် စတဲင်ဖုံႏနဝ်ꩻ နီထာꩻယူႏကိုယို ပယ်ႏထန်ႏထိုꩻဗာႏသွူ။ကအဝ်ႏဒျာႏ
ယိုခါတွင်ꩻပစ္စုပ္ပန်ႏ ယို အုံနဝ်ꩻအဟဝ်သွတ်ꩻ သွူ ကွဲတွော့ꩻနီကရေႏရွယ်ႏခါဒါႏနီကဝ်ႏ ထွန်ႏလဲ့ယံကုဲင်ထိုꩻမွိုန်းသွူ။

(၃) ဝင်ꩻလိုꩻလင်အောင်ႏမျင်ႏမုꩻတွမ်ႏ နီထဲ့ သွုမ်မုꩻနဝ်ꩻတဲက်ဆဲင်ႏတဝ်းဆက်ဆက်သွူ ဖဝကရိုꩻနဝ်ꩻထာꩻခွုမ်ပစိုးပွယ်ꩻတမွေးတဝ်း တွော့ꩻ တဖြာꩻနဝ်ꩻနွောင်ꩻတဖြာꩻယိုသွုမ် ထွာခရာႏတလိုႏတဝ်း လိုꩻတွိုင်ꩻစွုမ်ႏဖြာꩻ ယိုထာꩻအောင်ႏမျင်ႏမုꩻယိုလꩻနွောင်ꩻလွဥ်း လွဥ်းသွူ။...နဝ်ꩻစားဖုံႏနဝ်ꩻတနာႏလိုႏတဝ်း သꩻယိုအွဥ်ႏတဝ်းတွော့ꩻ နီအတွက်တာႏယို ထူႏသွူအာႏအꩻတဗာႏအနေႏတော့ꩻ မာꩻစ ခန်းထာꩻမာꩻနော။

လိတ်တဲ့အာလဲဥ်း အွဥ်ႏသွတ်ꩻကတခွိုန်းယို
အမာႏမိဥ်ႏပါလဲ့ခွင်ꩻလွစ်သွော့ဩ

#ခွန်ခမ်းခွꩻ(ဒုံကောင်ထို)
26-6-2019