“ထုမ်ႏကုသိုလ်ႏအယိုꩻသွတ်ꩻနယ်ꩻ”
🕓မွူးရဝ်ꩻခိုႏယိုထွိုင်ႏစဝ်းစဝ်း ၊ ထွိုင်ႏဖြားမဲ့ ၊ ပွပ်တငါ မိဉ်ႏထွူ လမ်းကိုကိစ္စ တွမ်ႏမာꩻရီး တဝ်းဒွိုန်း ၊ နွို့ရီးရီး လွေꩻရီးရီး ဖရာꩻခန်ꩻ ၊ ကပ်ဖရာꩻထီ ၊ ကပ်ဖရာꩻမေႏ ၊ နဝ်ꩻနဝ်ꩻထွာလဲဉ်း ဒါႏနကုသတုလ်ႏသွူ။ ကပ်ထွိုင်ႏထွူ သျဉ်သီႏလငတ်ꩻပါꩻ ထွာသီႏလကုသိုလ်ႏ ၊ ပွာꩻဂုဏ်ႏတောႏ ၊ ပသာမေတ္တာႏ ......
🕔မွူးရဝ်ꩻခိုႏစဝ်းယို လꩻလဲဉ်းကုသိုလ်ႏ လစ်ꩻမျိုꩻ မွေးတဝ်းနဲ့.... 🏘လမ်းထျꩻလမ်းသောင် ကထွာဒျာႏထာꩻသောင်ꩻထာꩻသား ဆျာတရိုꩻ တဝ်း 🐓၊ 🐀ယူး🐦ဝါး ဖုံႏတရိုꩻတဝ်း နီမိဉ်ႏဗွူႏဗာႏ နီမိဉ်ႏလွူးဗာႏတဲ့ထွာဒျာႏ ဒါႏနကုသိုလ်ႏနေနေသွူ။
🌱ဒါႏနယိုနဝ်ꩻလူႏကျောင်ꩻမꩻ ၊ ပင်ꩻသံႏဃာႏတဲးတဲးဝါးဝါးကပ်နွောင်ꩻသွမ်ꩻမꩻ ထွာဒါႏန တမွေးတဝ်း...ကပ်ငါဖရာꩻထီ ၊ ကပ်ငါဖရာꩻသွမ်ꩻ ၊ ကပ်ဖရာꩻမေႏ ၊ ကပ်ဖရာꩻကဝ်ႏ ဖုံႏတဲ့ထွာဒျာႏဒါႏနကုသိုလ်ႏနေနေသွူ။
ခွေယိုရွဉ်မိဉ်ႏအဝ်ႏမꩻ လူႏကျောင်ꩻ၊ လူႏသိမ်ႏ ၊ ကပ်သွမ်ꩻ ၊ မာꩻအလူႏ....ခါႏလားကယူႏနဝ်ꩻစားနဝ်ꩻ ရွဉ်အဝ်ႏဆေ့ဆေ့လူႏဆေ့ဆေ့ (မရှိလို့မလှူ မလှူလို့မရှိတဲ့) ရွဉ်အဝ်ႏတဝ်းတဲ့ အလူႏနုဲင်းဆꩻကီယိုအတွိုင်ꩻ မာꩻနဝ်ꩻထွာဒျာႏထာꩻလူႏဒါႏနနေနေသွူ။ မိဉ်ႏလူႏနွောင်ꩻ ကျောင်ꩻ လူႏနွောင်ꩻသိမ်ႏ ပင်ꩻသံႏဃာႏကပ်နွောင်ꩻသွမ်ꩻ ဖုံႏနဝ်ꩻက ယိန်းယမ် ယမ်သွူ ။
🌱မာꩻကုသိုလ်ႏ ကယိုꩻထာꩻနုဲင်းယိုနဝ်ꩻ ခွေသီနီနာꩻဖုံႏယိုအွဉ်ႏဖေင်ꩻမာꩻဝင်ꩻ
မွေးတဝ်းနယ်..
ပျောႏဒျာႏတွမ်ႏပိုမာ👨👩👧👦 ၊ ပျောႏဒျာႏတွမ်ႏမွိုးဖါ👨👩👧👧 ၊ ပျောႏဒျာႏတွမ်ႏဖူးဝေး👨👨👦 ၊ ပျောႏဒျာႏတွမ်ႏသွꩻပေႏ👬 ၊ ပျောႏဒျာႏတွမ်ႏ ဝင်ꩻခို ဝင်ꩻမူႏ👫 ၊ ပျောႏဒျာႏတွမ်ႏဖုံး📱 ဖုံႏကဲဉ်းအာအာသွူ ... လိုꩻယဟန်ႏနဝ်ꩻ တွိုႏကုသိုလ်ႏဖဲ့ ယိုသေမာꩻတဝ်း ၊ သေထုမ်ႏတဝ်း လိုꩻနဝ်ꩻ စားတဲ့အဝ်ႏထီႏဖိုအာတန်သွူ။ ကုသိုလ်ႏယိုလဲ့ မိဉ်ႏမာꩻစွုမ်ႏနီꩻနီꩻတဲ့ သꩻရေꩻ သꩻပျောႏလွဉ် ၊ နမ်းတဲ့ချံꩻသာႏ ၊ သꩻလဲ့ချံꩻသာႏ ၊ နမ်းတဲ့ခြွိုင်ႏသန်ꩻလွဉ်နေနေသွူ။ 🌺🌺
🛌တွိုႏခန်းဗေင်ႏထာꩻခိန်ႏမွူးဟာ ကလားကာအီႏ ဗေင်ႏထာꩻခိန်ႏနဝ်ꩻ 🙏🙏ရွစ်ပဋ္ဌာန်ꩻတရိုꩻတဝ်း ၊ ရွစ်ပရိတ်တရိုꩻတဝ်း ၊ ရွစ်မေတ္တာႏသုတ်တရိုꩻတဝ်း ၊ ရွစ်ဓမ္မစက္ကျာႏတရိုꩻတဝ်း ရွစ်မိဉ်ႏထွူ ပသာမေတ္တာႏဝွေႏအမျ.....🙏🙏
တနီꩻတာႏယို ကုသိုလ်ႏနဝ်ꩻလꩻစွဉ်ႏလစ်ꩻမျိုꩻ ၊ ငတ်ꩻမျိုꩻမွေးတဝ်းနယ်..🌺🌺
နောဝ်ꩻမꩻ လိုꩻတွိုင်ꩻစွုမ်ႏဖြာꩻ အခေႏခံႏ ကုသိုလ်ႏဖုံႏယိုနဝ်ꩻ ယမ်မာꩻနွောင်ꩻလွေꩻဒျာႏသွော့ စွုမ်ႏဖြာꩻဖြာꩻနော်း🙏🙏
အမာႏမိဉ်ႏပါတဲ့ခွင်ꩻလစ်သွော့
ကေꩻဇူꩻတန်ငါႏသွူဪ🙏🙏
ခွန်ခမ်းခွꩻ(ဒုံကောင်ထို)
တောႏလင်ꩻလာဗွေနီꩻ(၁၃-၉-၂၀၁၉)
No comments:
Post a Comment