> သွꩻရက်ဟွေး ဖဝယိုနဝ်ꩻကျိုꩻစာꩻမꩻထင်ႏထိုကရိုဒါႏ
အကျောင်ꩻခရာႏနဝ်ꩻ နာꩻဖေႏကသေꩻခွေသွဉ်းမိဉ်ဒေါ့ꩻ
နယ်ငါႏနဝ်ꩻသွူ။
> သွꩻရက်ဟွေးထာꩻမာꩻအမျိုꩻမုဲင်ꩻမုဲင်ꩻယဝ်း မိဉ်းမာꩻ
မွေးမွေးဒျာႏတဲ့အထွာတဝ်းနဝ်ꩻ အဲဉ်ထဝ်း အုံလင်ꩻ
ထွားဗွော့ꩻနဝ်ꩻအထွာလွဉ်တဝ်းတမုဲင်ꩻမုဲင်ꩻနဝ်ꩻသွူ။
> ဝင်ꩻလိုꩻလင်ဖုံႏယူႏနေႏမုဲင်ꩻ ကျိုꩻစာꩻနေႏမုဲင်ꩻနဝ်ꩻခွေ
သွဉ်းအခိန်ႏတွိုင်ꩻအဝ်ႏထွား အလေ့ꩻလာတသေꩻသေꩻ
ဒျာႏနဝ်ꩻသွူ။
>ဖဝကရိုꩻဒါႏတွိုက်ပွယ်ꩻယို ဖေႏကလꩻတွိုးတွမ်ႏ
အောင်ႏမျင်ႏမှု့ ကာကျိုꩻစာꩻဒျာႏနဝ်ꩻခွေသွဉ်းနဝ်ꩻ အ
ရက်သွတ်ꩻသွꩻပေႏတဖြာꩻမိဉ်ထွာနုဲင်းနုဲင်းငါႏနဝ်ꩻသွူ။
>တွိုးသွꩻနဝ်ꩻနေႏနဝ်ꩻတမွေးတဝ်း ဝင်ꩻအလောင်းတ
ဟဝ်တဝ်းအကျောင်ꩻတဲ့ဒေါ့ꩻ၊ဝေႏဖန်ႏဒျာႏဝင်ꩻ ကာထဲ့
ဖွိုႏဒါႏဒျာႏသွꩻသꩻဓာတ်၊ထာꩻယူႏဖုံႏနဝ်ꩻ တွမ်ႏကာတိုႏ
တက်ဒျာႏခေတ်ꩻယိုနဝ်ꩻပြောင်ꩻလုဲင်ꩻထိုခန်းမွိုင်။
>နီဗွေႏဖရာꩻစိုႏ ဒေဝဒတ်နဝ်ꩻ ဒင်ႏသွူဆရာꩻ
အပေါင်ꩻကာမာႏဒျာႏ အဇာတသတ် သွꩻရက်တဖြာꩻတဲ့
အပေါင်ꩻဖေႏနေႏကာမာႏတဝ်းနေႏနဝ်ꩻနဝ်ꩻခွေသွဉ်း
ဒေါ့ꩻနယ်ဗာႏနဝ်ꩻသွူ။
>ဝေႏဖန်ႏဝင်ꩻဒေါ့ꩻဝင်ꩻအကျောင်ꩻ၊ထဲ့ဖွိုႏဒါႏသꩻဓာတ်
ထာꩻယူႏဖုံႏ သွꩻမိဉ်းသေချာဒျာႏနဝ်ꩻထွားနုဲင်းဗဲင်ႏဝင်ꩻ
ကာဒါႏသား၊လိုꩻကာသေသားမွိုင် သွꩻဖဝဖေႏကာတိုႏ
တက်နဝ်ꩻကျိုꩻစာꩻခန်းနော။
>နုဲင်းခွေသွဉ်းကထီႏနဝ်ꩻ သွꩻထာꩻယူႏ၊သꩻဓာတ်ဖုံႏအ
ခိန်ႏမွိုင်မွိုင်အတွင်ꩻပြောင်ꩻလုဲင်ꩻနွောင်ꩻဒျာႏနဝ်ꩻသွူ။
>မိဉ်ထွာနေႏမုဲင်ꩻထွာ ခွေသွဉ်းကာဖေႏဒါႏအကျမ်ႏအ
ဉာဏ်ႏယို သွꩻရက်တဖြာꩻသေနာႏဖေႏသွော့ခွေသွဉ်း
အလောင်းနော။
အမာႏမိဉ်းပါတဲ့ခွင်ꩻလွတ်သွော့ခွေသွဉ်းနော
#ခွန်ခမ်းခွꩻ#
No comments:
Post a Comment