ရက်တေ့ꩻသာႏဖဝ

 
  ထင်ႏကျောင်ꩻဆရာႏသွဉ်တန်(သင်တန်း)မော့ꩻခွဲခန်း ဒျာႏ ပအိုဝ်ႏမူႏယောင်ꩻရေꩻတဖြာꩻနဝ်ꩻသွူ၊။သွဉ်တန်ခန်ꩻကိုနဝ်ꩻ လိုꩻအဝ်ႏခန်းဒျာႏ သူꩻဆီလွို လိုꩻမူႏပေႏနဝ်ꩻအဝ်ႏခန်းသွံꩻဆီငတ်၊ လိုꩻမူႏပေႏသွံꩻဆီငတ်အကိုနဝ်ꩻ ခွေအဝ်ႏထီႏတရေꩻခန်းဒျာႏ ပအိုဝ်ႏမူꩻပေႏတဖြာꩻ၊ ထင်ႏငီခန်းဝင်ꩻသွဉ်တန်တွင်ꩻခွေနဝ်ꩻ အဝ်ႏထွားတေ့ဝွေꩻ၊အဝ်ႏစွယ်တေ့ဝွေꩻ၊အဝ်ႏစုံစမ်းဝွေꩻအကျောင်ꩻ၊ဝွေꩻနဝ်ꩻတသေတဝ်း၊ထွိုင်းသေခန်းဒျာႏဝွေꩻမိဉ်နဝ်ꩻခွေသꩻပျောႏမွေး။

နဝ်ꩻမိဉ်းထွူ ခေတ်ယိုခါတွင်ꩻ လိုꩻပေႏ လိုꩻယွဲ လိုꩻဖြာႏ လိုꩻတန် ကာသွုံꩻစွယ်ဒါႏ အဉ်တာနက်(Internet)၊ဖေ့ဘွတ်(Facebook)၊စတဲ့အဉ်တာနက်အမျိုꩻမျိုꩻနဝ်ꩻသွူ။

စုံစမ်းယင်းဝွေꩻကသွုံꩻဒါႏဖေ့ဘွတ်အကော
င့်(Facebook Account)၊ မော့ꩻခန်းဝွေꩻဖေ့ဘွတ်အကောင့်(Facebook Account)နဝ်ꩻ ခွေအပ်(Add)လွေခန်းဒျာႏဝွေꩻ၊ နွိုꩻထွားခန်းဒျာႏဝွေꩻဝေါ(Wall)ကို လꩻခန်းနီနီꩻသွံꩻနီꩻ ဝွေꩻလက်ခံႏခန်းဒျာႏခွေ၊ခွေတဲ့ပျောႏမွေးစွဉ်းထာ၊ အခိန်ႏတွိုင်ꩻ အဝ်ႏအုံထွားတသေသေဒျာႏ ဝွေꩻထင်ႏလုဲင်ႏလောင်း၊ နဝ်ꩻတဟာ သွစ်ꩻနာႏရီႏလွိုလွို ဝွေꩻထင်ႏခန်းလုဲင်းလောင်ႏ အဝ်ႏထီႏခန်းဒျာႏနဝ်ꩻသွူ။

ခွေဒေါ့ꩻရီလွေခန်းဒျာႏဝွေꩻ ဝွေꩻတဲ့ဒေါ့ꩻရီချာခန်းခွေ၊ ခွေနဝ်ꩻယိင်းပျောႏပျောႏ၊ခွေကရက်ဒါႏဝွေꩻအကျောင်ꩻ မိဉ်ႏစူနုဲင်းသꩻနဝ်ꩻ မိဉ်ဒေါ့ꩻထန်းမွေး ငမ်းငါႏဝွေꩻသꩻလျားထာꩻတဲ့ အွုမ်တေ့ဗော့ꩻသꩻကို၊ သွꩻပေႏအနေႏဒေါ့ꩻရီဝင်ꩻ မွူးနီပေါင်ꩻအာ လာပေါင်ꩻညဆွာခန်းဒျာႏနဝ်ꩻသွူ။

တွိုးတနီꩻဝွေꩻဒင်ႏခန်း (Post) တဗာႏ တွမ်ႏခွေတတဲက်ဆဲင်ꩻတဝ်းနဝ်ꩻ အဝ်ႏထီႏထွူတဲ့ သꩻကိုခံႏစာဗာႏမွေးစွဉ်ႏ၊ တွိုးခန်းအဆုဲင်ꩻတနီꩻ အီဒေါ့ꩻရီယင်းဝွေꩻနဝ်ꩻ ခွေအာႏလို့ထိုစွဉ်ႏဒျာႏ။

"အော.....အဝ်ႏအညာ ရက်လွေꩻနေးဗော့ꩻ"
ချꩻခန်းဆုံႏဖျက်ချက်နေးနဝ်ꩻသွူ။

"ရက်တေ့သားဖဝ"ယိုမော့ꩻ သꩻမလဲင်ပင်းပန်ꩻငါႏ၊ဆုဲင်ꩻဖဝတာႏမိဉ်ႏအဝ်ႏဒွိုန်းနဝ်ꩻ တွမ်ႏဝွေꩻဖေႏနေးကကျုံႏခွဲယင်းတဲ့ အဝ်ႏဆုတောင်လွေꩻဒျာႏဖရာꩻငါ နုဲင်းယိုသွူ။

ခွန်ခမ်းခွꩻ
@Khun Kyaw Sein