အွဥ်ႏဒျꩻကတူႏလောင်းနဝ်ꩻထွားတာ တရေꩻတဝ်းနဝ်ꩻသွူ
"လိုꩻမွိုက်" ဝွေꩻမိဥ်ဒါႏခန်းခွိုန်းမုဲင်ꩻဒါႏ
သူႏတောႏကောင်ꩻဘွဲ့ယိုဝွေꩻတလꩻနွေင်ꩻတဝ်းသွူ
"မွိုးဖါ" ဝွေꩻရက်ခန်းဝွေꩻပိုခွိုန်းမုဲင်ꩻရက်
ရက်မိဥ်ႏတဒါႏတဝ်းလဲ့ တွိုႏတဝ်းထာꩻရက်သွူ
"ပို" မွိုးဖါမိဥ်မွိုက်ခန်းခွိုန်းမုဲင်ꩻမွိုက်
မွိုးဖါနီပါꩻယိုပဲစ်မာႏသင်တဝ်းသွူ
"ဆရာႏ" ပညာႏစွုမ်ႏခန်းခွိုန်းမုဲင်ꩻစွုမ်း
အွဥ်နယ်ဒျာႏတဖူꩻမာႏနဝ်ꩻတပဲ့ꩻမော့ꩻဒါႏအယပ်အခုဲင်ႏသွူ
"သွꩻပေႏ" နီအလောင်းမိဥ်ဟဝ်နေးမုဲင်ꩻဟဝ်
ပေါ်အော်ကုဲင်ဒျာႏနီနဝ်ꩻအဝ်ႏလိုႏပေါင်ꩻတဝ်းသွူ
"ဝင်ခို/မူႏ" ရင်ခန်းနေးမုဲင်ꩻရက်
ပေါ်မꩻအဖေႏဒျာႏနာꩻ ခါꩻခံꩻစာꩻခရာႏနဝ်ꩻအဝ်ႏလိုႏရင်တဝ်ႏ/အဝ်ႏလိုႏကျွိုက်တဝ်းနဝ်ꩻသွူ
"အိန်ႏထောင်ႏရေꩻ" တဖြာꩻတွမ်ႏတဖြာꩻသေနာႏမုꩻမိဥ်ဖေႏဖေႏ
ကွယ်တွော့ ထာꩻဖောက်ပြန်ႏဒါႏမျိုꩻနဝ်ꩻအဝ်ႏလိုႏလက်ခံႏတဝ်းသွူ
"အဆောင်အရင်ꩻ" ဝင်ꩻဒေါ့ꩻခန်းနေးမုဲင်ꩻဒေါ့ꩻ / ဝင်ꩻရိုခန်းနေးမုဲင်ꩻရို
ပေါ်နီနမ်းမဥ်ႏဒျာႏနဝ်ꩻကဝွေႏဖန်ႏ ကဒေါ့ꩻသားနဝ်ꩻ
မဲ့အယဥ်ထိုꩻဒျာႏနဝ်ꩻသွူ
"ငဝ်း" ဒေါ့ꩻထာꩻဒါႏခန်းနေးမုဲင်ꩻဒါႏ
အဝ်ႏလိုႏဒေါ့သင်ကိုမꩻဒေါ့ꩻနဝ်ꩻအဟဝ်သွတ်သွူ
"အကျင်" လွိုးတကုဲင်ခန်းခွိုန်းမုဲင်ꩻကုဲင်
အကျင်မိဥ်ႏဟင်ဒျာႏနဝ်ꩻ ဝင်ꩻရက်ဒျာႏသွူ
"ဝီရိယ" မိဥ်ယံနေးမုဲင်ꩻယံ ဉာဏ်ႏတွမ်ႏပညာႏ မိဥ်ႏတပါတဝ်းနဝ်ꩻတအောင်ႏမျင်ႏနွေင်ꩻတဝ်းသွူ
"မာန" ဒါႏခန်ပညာခွိုန်းမုဲင်ꩻဒါႏ "မာန်ႏ"မိဥ်ႏအဝ်ႏကနဝ်ꩻ
ဝင်ꩻတဟဲ့တဝ်းပညာဒျားသွူ
လိတ်အရသာႏယိုမိဥ်ႏခံႏစာႏဗာႏ ထွားလိတ် ဟော်ꩻလိတ်ခိန်ႏတဲ့အလိုႏလိုႏလꩻလွဥ်ဒျာႏနဝ်ꩻသွူ
ကေꩻဇူꩻတင်ႏငါႏသွူ
#ခွန်ခမ်းခွꩻ(ဒုံကောင်ထို)
No comments:
Post a Comment