ကုသိုလ်ႏတွမ်ႏအကုသိုလ်ႏ ------------------------------------- ကုသိုလ်ႏတွမ်ႏအကုသိုလ်ႏကရိုꩻယိုနဝ်ꩻ နီနမ်းရုပ်ခန္ဓာႏမိဥ်ႏသီထိုꩻဘဝသံတရာႏ
အတွက်တာႏအပါလွဥ်ဒျာႏကံႏတရာꩻသွူ။ကုသိုလ်ႏထာꩻမာꩻယိုအာႏထုတ်သွော့ဝင်ꩻနော။ ကုသိုလ်ႏယိုထာꩻတဟဝ်တဝ်းကံႏတရာꩻနဝ်ꩻသျေင်ႏညာꩻထိုဒျာႏနဝ်ꩻသွူ။ယိုနဝ်ꩻထွာဒျာႏ နီဗုဒ္ဓဘာႏသာႏအခေႏခံႏတရာꩻတပါꩻသွူ။
အကုသိုလ်ႏတရာꩻယို နီဗွေႏဖရာꩻ လွဥ်ထူႏထိုꩻဖေႏတလꩻတဝ်းသွူ။ သေ့ꩻကျာ၊
ဗြမ္မာႏ လွဥ်ထူႏထိုꩻဖေႏတဲ့တလꩻတဝ်းသွူ။ "ဥုံဖွ" ရိုꩻစွဥ်ႏနဝ်ꩻစားတဲ့တထိုꩻမာႏနွောင်ꩻတဝ်း။ "အကျောင်ꩻမိဥ်ႏအဝ်ႏတဲ့အကျိုꩻအဝ်ႏ" မာꩻဒျာႏထာꩻအကျောင်ꩻဟဝ်တဲ့ လꩻချာဒျာႏအကျိုꩻဟဝ်သွူ။ ကံႏကရိုꩻယိုထာꩻမာꩻသွူ၊ ကံႏမိဥ်ႏမိဥ်ဟဝ်တဲ့မာꩻသွော့ထာꩻဟဝ်၊ တွမ်ႏဝစီႏကံႏတွော့ ဒေါ့ꩻဒျာႏထာꩻဟဝ်တဲ့ ထွာထာꩻဟဝ်၊ ဒေါ့ꩻထာꩻတဟဝ်တဝ်းတဲ့ ထွာလွဥ်ထာꩻတဟဝ်တဝ်းသွူ၊
တွမ်ႏမနောကံႏတဲ့နေးနဝ်ꩻနေနေ ကျမ်ႏထာꩻဟဝ်တဲ့ထွာထာꩻဟဝ် ကျမ်ႏဟဝ်တဝ်းတဲ့ ထွာလွဥ်အဟဝ်တဝ်းသွူ၊ ကံႏတရာꩻကဖန်ဆင်ꩻလွဥ်ဒါႏနေးယို မိဥ်ႏပယ်ႏထိုꩻဒျာႏနဝ်ꩻ ထွာဒျာႏ "နိယတမိစ္ဆာဒိဋ္ဌိ" သွူ။ ဖရာꩻအဆူႏဆူႏပွင်ꩻတဲ့ တခွစ်တဝ်းသွူ၊ မိဥ်ႏသီတဲ့ ထဲ့ꩻငါႏရုဲင်သွူ၊ယိုနဝ်ꩻကံႏတရာꩻအကျိုႏဖေႏနဝ်ꩻတသေနာႏတဝ်းမꩻအထွာနေးနဝ်ꩻသွူ။ လိုꩻမျိုꩻမုဲင်ꩻတရိုꩻတဝ်း၊ ဘာႏသာႏမျိုꩻမုဲင်ꩻတရိုꩻတဝ်း၊ သတ္တဝါႏကားကအဝ်ႏ ဆဲင်ႏတွမ်ႏတရာꩻဓမ္မတဖူꩻယို ကံကျင်ꩻမꩻလꩻသွူ။ လောကခမ်းကို တဖြာꩻတွမ်ႏတဖြာꩻ ကံႏအကျိုꩻဖေႏယို တဗွိုန်တဝ်းဝင်ꩻသွူ၊
မွိုးဖါနဝ်ꩻတဖြာꩻချင်ႏ လွူးဖွာလင်ꩻဒါႏ အပိုခို/မူႏ မုဲင်းရွာ(အမွာ)နဝ်ꩻ မဲ့ငါတပွုံႏစမ်ႏချင်ႏ ဗွိုန်ဝင်ꩻရိုꩻကီလဲ့ ကံႏအကျိုꩻဖေႏယိုတဗွိုန်တဝ်းဝင်ꩻသွူ။တဖြာꩻနဝ်ꩻပညာႏ
မိဥ်ႏဒါႏတဲ့ တဖြာꩻယိုပညာႏဒါႏတဝ်းတဲ့ထွာနွောင်ꩻဒျာႏနေနေသွူ။ နဝ်ꩻမꩻကုသိုလ်ႏယိုခင်ႏလမ်းတွိုင်ꩻနဝ်ꩻအဝ်ႏ ထူႏမိဥ်ႏဒါႏတဲ့လꩻသွူ။ မန်းကရိုꩻ "ကုသိုလ်ဆိုတာနောတိုင်းမှာရှတယ် ယူတတ်ယူရင်ရမယ်" နဝ်ꩻအတွိုင်ꩻနေနေသွူ။ ထင်ႏခန်းကျောင်ꩻ ထင်ႏခန်းကံႏ ဖုံႏတရိုꩻတဝ်း လွေꩻတဖူꩻ သဲင်ꩻတဖူꩻတရိုꩻတဝ်း ကုသိုလ်ႏယိုအဝ်ႏလွဥ်ႏလွဥ်ႏသွူ။ တနီꩻတာႏလဲ့ထွူဖျင်သွူနဝ်ꩻမꩻအဝ်ႏလိုႏယူႏချာ ကုသိုလ်ႏယိုမိဥ်ႏတလꩻတဝ်းဒွိုန်းတဲ့ထူႏခန်း မာꩻခန်းနော။ ယိုဘဝ မာꩻသေကုသိုလ်ႏမꩻ ယိုဘဝတကာႏတဝ်း ဆုဲင်ꩻဘဝတာႏလဲ့ပါ ကျုံႏဗာႏခွဲဗာႏဒျာႏထာꩻဟဝ် သꩻချံꩻသာႏ နမ်းချံꩻသာႏ နဝ်ꩻအမဲဥ်ႏသွူ။ ကုသိုလ်ႏတွမ်ႏအကုသိုလ်ႏယိုမိဥ်ႏတဲမ်းလဲ့တထွူဒါႏတဝ်း နဝ်ꩻမꩻ အွဥ်ႏထွူကတခွိုင်းယို နဝ်ꩻမꩻခွေသွဥ်းလဲ့ဒါႏငါႏတဲ့တမွေးတဝ်း အမာႏမိဥ်ႏပါလဲ့ခွင်ꩻလွစ်သွော့ဪ လိတ်ဖြုံႏအမာႏမိဥ်ႏပါလဲ့နီဗွေႏသီးထွားချင်ႏဖတ်ဒျာႏဝင်ꩻအကျောင်ꩻ နမ်းသꩻနီပါꩻယံချံꩻသာႏခြွိင်ႏသန်ꩻဒျာႏဝင်ꩻနော ခွန်ခမ်းခွꩻ✍ 29-4-2019
No comments:
Post a Comment