နီနမ်းရေꩻတွမ်းဝင်ꩻအရေꩻ
လောကခမ်းကို လိုꩻတွိုင်ꩻတွိုင်ꩻယို ခွိုင်းဝွုက်တွမ်ႏလိုꩻအရေꩻလိုꩻကိစ္စမိဥ်ႏခွဲခြာနဝ်ꩻ နီနမ်းရေꩻတွမ်ႏဝင်ꩻအရေꩻ အဝ်ႏနီမျိုꩻနီစားလွုမ်သွူ။
တနီꩻထွူတနီꩻကိစ္စအာ၊ထာꩻမာꩻအာ မိဥ်ႏဗွေင်အလုဲင်ꩻနဝ်ꩻ ပိုရေꩻ၊စီꩻပွာꩻရေꩻ၊ခြွိုင်ႏသန်ꩻရေꩻ၊ပညာႏရေꩻ၊လူမုꩻရေꩻ စတဲင်အမျိုꩻအာအာကိုနဝ်ꩻ မိဥ်ႏပေါင်ꩻလို့လို့ဝင်ꩻနဝ်ꩻ အဝ်ႏနီမျိုꩻနီစားလွုမ်သွူ။
အရေꩻတန်သွတ်ꩻနဝ်ꩻမာꩻဟုဲင်း
တနီꩻထွူတနီꩻ နီကမာꩻဒျာႏထာꩻမာꩻကိစ္စယို အရေꩻအဝ်ႏနဲ့အဝ်ႏတဝ်ႏတဝ်းနဲ့ အဝ်ႏလိုႏယူႏချာသွူ၊ မာꩻဒျာႏအရေꩻတန်ရိုꩻကီလဲ့ ဖေႏနေးကမာꩻဗာႏမွေးမွေးဒျာႏ
နဝ်ꩻ အရေꩻတန်ငါႏနဝ်ꩻသွူ၊ ထာꩻမာꩻကအာခါႏကို နီမာꩻဒျာႏဝင်ꩻထာꩻမာꩻနဲ့နီထာꩻမာꩻနဲ့နဝ်ꩻအဝ်ႏလိုႏယူႏချာသွူ၊ ကဲဥ်ႏအာအာနဝ်ꩻမာꩻဖေႏဒျာႏဝငါꩻထာꩻမာꩻတွော့ အခိန်ႏလို့ထိုꩻဒျာႏနဝ်ꩻအာသွူ။ တယ်ႏစထာꩻလေ ဗꩻထာꩻခေ့ꩻ နီကမာꩻထာꩻမာꩻယို မိဥ်ႏတွက်ချာနဝ်ꩻနီနမ်းကိုယ်ႏပဲင်ႏထာꩻမာꩻနဝ်ꩻဆေ့ꩻမွေးသွူ၊
( နီဗွေႏဘုရာꩻဟော်ꩻခါꩻ "သကိစ္စ မနုယုဉ္ဇထ" နီနမ်းတွမ်ႏနီနမ်း ကမာꩻထွိုက် ကမာꩻသင်ဒျာႏ ကိစ္စထာꩻမာꩻဖုံႏနဝ်ꩻ အဝ်ႏတရာꩻလွုမ်တဲ့ ကျိုꩻစာꩻအာႏထုတ်သွော့ဝင်ꩻနော) နီဗွေႏဘုရာꩻဟော်ꩻခါꩻနေးနဝ်ꩻသွူ။
နီနမ်းကိစ္စနီနမ်းအရေꩻ
နီနမ်းကိစ္စ နီနမ်းထာꩻမာꩻနဝ်ꩻ တမုဲင်ꩻနဲးတဲ့ " တရာꩻ " ကိစ္စယို နီနမ်းကိစ္စသွူ၊ ယိုခါတွင်ꩻဗွေႏသံဃာႏသီး ကအုံတရာꩻ ဟော်ꩻတရာꩻ ဖုံႏနဝ်ꩻ ဝွေꩻသီးနမ်းတာႏထာꩻမာꩻသွူ။ နီနမ်းအရေꩻနဝ်ꩻ အဝ်ႏနီမာꩻကုသိုလ်ႏ အုံတရာꩻ အဝ်ႏနဝ်ꩻလွုမ် လွိုတဲင် အလင်နဝ်ꩻဝင်ꩻအရေꩻဒျာႏသွူ။ မိသားစုရေꩻ၊ စီꩻပွာꩻရေꩻ၊ ပညာႏရေꩻ၊ ဘာႏသာႏရေꩻ၊လူမုꩻရေꩻစတဲင်အရေꩻဖုံႏနဝ်ꩻလဲ့ဝင်ꩻအရေꩻဒျာႏသွူ။
နဝ်ꩻမꩻစွုမ်ႏနီꩻနီꩻလဲ့ သေမာꩻဗဲင်းကုသိုလ်ႏ၊ ထာꩻဟဝ်မုꩻ၊အုံဗဲင်းတရာꩻနော။
(ထာꩻအုံထာꩻမာꩻယိုမြဲတဝ်းရိုꩻကီလဲ့
ထာꩻသီတရာꩻယိုအခိန်ႏရွေꩻတဝ်းသွူ)
အမာႏမိဥ်ႏပါတဲ့ခွင်ꩻလွစ်သွော့ခွေသွဥ်းဪ
နမ်းသꩻနီပါꩻယံချံသာႏဒျာႏဝင်ꩻအကျောင်ꩻ
ခွန်ခမ်းခွꩻ✍
31-1-2019
No comments:
Post a Comment