ဖေႏသတိလွေꩻFacebookနာင်ꩻမူႏ

      တောႏလမ်းဗာႏတဝ်းဒွိုန်းနဝ်ꩻ တွမ်ႏဝင်ꩻခိုအတွယ်ꩻပွုံႏဒင်ႏ(Facebook)လောင်းနဝ်ꩻ စွဥ်ႏလွေꩻဒင်ႏထာꩻနꩻသိုလောင်းဗွိုန်ဗွိုန်ဝင်ꩻသွူဖူးမူႏပေႏ

ကံႏကျမ္မာႏယိုလဲဥ်အံႏထိုꩻခန်းတရိုꩻတဝ်း အရီးသွတ်ꩻဗာႏရီးတမုဲင်ꩻနယ်းတဲ့ ဗာႏရီးသꩻရာႏတမွေးတဝ်း အဗာႏရီးဒျာႏ မာႏနတွမ်ႏဂုဏ်ႏသိက္ခာႏသွူဖူးမူႏပေႏ

သꩻရာႏမိဥ်ႏဆာနဝ်ꩻ ငွိုးတေ့ꩻနေးလꩻရိုꩻကီလဲ့ ဂုဏ်ႏသိက္ခာႏမိဥ်ႏထဲ့ꩻနဝ်ꩻ လို့အသောင်အရင်ꩻဒေါ့ꩻရီးရီးစွဥ်ႏဖူးမူႏပေႏသီးမွိုးဖါနဝ်ꩻသွူ

ကျွိုက်နဝ်ꩻစူꩻဒျာႏ ကွဲႏတွော့ꩻ တဖြာꩻတွမ်ႏတဖြာꩻ ကရိုꩻဒါႏထာꩻသေနာႏမုꩻမိဥ်ႏကုဲင်ထိုꩻနဝ်ꩻ ဖထိုꩻဗာႏဝင်ꩻနဝ်ꩻအဝ်ႏထီႏအာတန်မွေးတဝ်းနယ် ဖူးမူႏပေႏ

မိဥ်ဖေႏသတိꩻသန်ငါႏသက်ဆီလွိုဖူးမူႏပေႏသီး ကျွိုက်စသွူရိုꩻကီလဲ့ꩻ ချာငါထီႏတဝ်းဒွုမ် ပျောႏလွဥ်ꩻဗော့ꩻထာꩻ တောႏလမ်းဗာႏတဝ်းဒွိုန်းတဲ့ မိဥ်ဒင်ႏဝင်ꩻပွုံႏ (Facebook)လောင်း မိဥ်ကျွားနယ်ဝင်ꩻ
ဝင်ꩻနီအဆင်ႏမိဥ်ႏတပြေႏတဝ်းဒွုမ်နဝ်ꩻ အရီးသွတ်ꩻတမုဲင်ꩻနစ်ꩻနာႏနယ်းတဲ့ အနစ်ꩻနာႏရီးဒျာႏဖူးမူႏပေႏသီးမွေးတဝ်းနယ်

(Facebook)လောင်းဒင်ႏညီဝင်ꩻပွုံႏမꩻ ထွာထာꩻရက်စဲစ်တမွေးတဝ်း နဝ်ꩻစားနဝ်ꩻမွိုးစိုးဖါစိုး စူကိုတအဝ်ႏတဝ်းတမုဲင်ꩻမုဲင်ꩻ ဖူးမူႏပေႏသီးထွာလွဥ်လိုꩻမွေးတဝ်းနယ်

ယူႏဒါႏဒါႏစိဥ်ꩻစာꩻဒါႏဒါႏမꩻ ဘဝယိုအဓိပ္ပါယ်အဝ်ႏထိန်သိမ်ꩻသင်ကိုလဲ့ꩻထိန်သိမ်ꩻမꩻ နီဖဝယိုတန်ႏဖိုအဝ်ႏနဝ်ꩻသွူ

ဝင်ꩻခိုရိုꩻခန်းဒင်ႏပွုံႏ(Facebook)လောင်းမꩻထာꩻရက်စဲစ်ရိုꩻဒျာႏလိုꩻနဝ်ꩻစားနဝ်ꩻ အွဥ်ႏကုဲင်ထိုꩻခတ်းနဝ်ꩻ ထွာမုဲင်ꩻနယ်းတွော့ꩻဝွေꩻထာꩻရက်နဝ်ꩻထာꩻရက်စဲစ်မွေးတဝ်း
ထာꩻရက်စဲစ်နဝ်ꩻအဝ်ႏဒျာႏ နီသꩻရာႏကိုလွုမ် သစ္စာႏတရာꩻနဝ်ꩻအဝ်ႏဒျာႏနီထာꩻသေထာꩻဒါႏကိုသွူ အဝ်ႏ(Facebook)လောင်းတမွေးတဝ်းသွူဖူးမူႏပေႏ

လိုꩻဖဝနဝ်ꩻလွတ်လပ်ခွင်ꩻအဝ်ႏလွဥ်ႏလွဥ်ႏ ကွဲႏတွော့ꩻ နီဖဝတွက်ꩻတာႏမုဲင်ꩻကိုဗာႏနဝ်ꩻအရေꩻတန် အဓိကကျနဝ်ꩻ ယူႏဒါႏဒါႏ စိဥ်စာꩻဒါႏဒါႏသွော့ꩻနောဖူးမူႏပေႏ

"ခေတ်ယိုခါ ကသွုံꩻဒါႏ(Facebook)နင်ꩻမူႏသီးဖုံႏ အမိဥ်ႏတရာꩻနဝ်ꩻထီႏသွော့ꩻဝင်ꩻနော"

"အမာႏမိဥ်ႏပါတဲ့ခွင်ꩻလွစ်သွော့ꩻခွေသွဥ်းဪ"

"ကေꩻဇူꩻတန်ငါႏသွူဪ"

ခွန်ခမ်းခွꩻ
@Khun Kyaw Sein
21.10.2018